21.04.2017 / 18:58

У «Зоне Х» выйшаў рэпартаж пра беларускамоўныя курсы для праграмістаў. Арганізатары кажуць, што гэта паклёп 23

20 красавіка ў перадачы «Зона Х» на тэлеканале «Беларусь-1» выйшаў сюжэт, прысвечаны дзейнасці Інстытута матэматыкі і кібернэтыкі. «Аператыўнікі прыкрылі дзейнасць ВНУ, якая працавала нелегальна».

Гаворка ў ім вялася пра тое, што некалькі людзей арганізавалі ў Мінску філіял Ровенскага Міжнароднага эканамічна-гуманітарнага універсітэта імя Сцяпана Дзем’янчука (Украіна). Маўляў, установа не прайшла ліцэнзавання ў Беларусі, а супрацоўнікі не сплачвалі падаткі.

Асабліва адзначаецца тое, што навучанне вялося цалкам па-беларуску.

Адзін з кіраўнікоў Інстытута матэматыкі і кібернэтыкі Павел Бука падзяліўся з «Нашай Нівай» сваёй пазіцыяй па гэтым пытанні. «Інфармацыя пададзеная хлуслівая. Гаворка пра міжнародную адукацыйную праграму «Інфарматыка», якая сапраўды ладзіцца сумесна з універсітэтам Дзем’янчука. Але навучанне праводзіцца ва Украіне, хоць і для беларусаў і па-беларуску».

Павел Бука кажа, што адукацыйны працэс у Беларусі не вёўся зусім. У Мінску былі арганізаваныя толькі публічныя бясплатныя лекцыі, на якія былі прыцягнутыя выкладчыкі вядучых універсітэтаў краіны. «Адукацыя была завочна-дыстанцыйнай на тэрыторыі іншай краіны, яна ніяк не падпадае пад юрысдыкцыю беларускай міліцыі».

Таксама Павел Бука абураецца тым, што Міжнародны эканамічна-гуманітарны ўніверсітэт імя Сцяпана Дзем’янчука паказаны ледзьве не як «шарашкіна кантора». «Тамтэйшая адукацыя адпавядае патрабаванням Балонскага працэсу».

Разам з тым, ён кажа, што дзейнасць праграмы не прыпыненая і публічныя лекцыі працягваюцца. «Ужо больш за месяц працягваюцца супраць нас праверкі, але крымінальная справа ўсё яшчэ не заведзеная, бо наша дзейнасць цалкам законная. Тое, што на тэлебачанні прайшлі рэпартажы аб нашай дзейнасці, падобна на палітычны заказ, прычым, тых людзей, што працуюць на суседнюю дзяржаву», — лічыць Павел Бука.

Інстытут матэматыкі і кібернэтыкі афіцыйна зарэгістраваная структура, якая дзейнічае ад 1997 года. Інстытут ставіць за мэту стварэнне беларускамоўнага ВНУ ўнутры краіны.

Зміцер Панкавец

3
Яша / Адказаць
21.04.2017 / 19:07
Байкот "Зоне X" за паклёп!
0
Сливают / Адказаць
21.04.2017 / 19:31
Или Лукашенко сливается, вместе с Беларусью, в объятия России, или на БТ окопались беларусаненавистники. Всё очень странно, и разгон национальных, беларуских, патриотических лагерей по всей стране, с одновременным зелёным светом российским лагерям в Беларуси, и непрекращающиеся пасквили по ТВ на беларускае, и продолжающееся каверкание Лукашенком всего беларуского. Готовят почву под слив Беларуси и Беларусов.....
0
ооо / Адказаць
21.04.2017 / 19:42
Ну да преступно по беларуски выходит ,ведь недавно кредита на льготных на 1милиард получить должны от России а они здесь па беларуски ))))
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру