Еўрапейскі банк рэканструкцыі і развіцця (ЕБРР) займаецца перадпрыватызацыйнай падрыхтоўкай мінскага піўзавода «Крыніца». Аднак стратэгічных інвестараў на прадпрыемстве пакуль не чакаюць. Як паведаміў Tut.by прадстаўнік ЕБРР Антон Усаў, эксперты дапамагаюць кампаніі палепшыць кіраванне, кантроль якасці і некаторыя іншыя паказнікі.
На тыдні старшыня канцэрну «Белдзяржхарчпрам» Аляксандр Забела заявіў, што на «Крыніцу» «дастаткова сур’ёзна глядзяць» дзве транснацыянальныя кампаніі, якія выпускаюць на ёй ліцэнзійную лінейку прадукцыі. Гэта кампаніі з Даніі і Турцыі, але «не «Карлсберг». Летась турэцкая кампаніі Anadolu Efes падпісала з мінскім заводам ліцэнзійнае пагадненне на розліў «Залатой бочкі» і заявіла, што не супраць стаць акцыянерам прадпрыемства.
Актуальнай праблемай «Крыніцы» з’яўляюцца плацяжы па ранейшых крэдытах. Кожны месяц трэба вяртаць каля 50 мільярдаў недэнамінаваных рублёў і плаціць толькі па працэнтах. Пры гэтым завод цяпер рэнтабельны і працуе з чыстым прыбыткам, таму стаўленне да яго з боку ЕБРР змянілася.
Цяпер дзяржаве належыць 84,5% акцыяў завода. За мінулы год выручка склала 88,6 мільёна рублёў, што на 12,2 мільёна болей за паказнікі 2015 года. Пры гэтым чысты прыбытак вырас у 19 разоў — з 2 да 38 тысяч рублёў.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію26
Каментары