24.04.2017 / 09:54

У Крычаве на пажары зажыва згарэлі шэсць чалавек абноўлена 7

У Крычаве ноччу згарэў дом на вуліцы Піянерскай, загінулі шэсць чалавек, паведамілі TUT.BY відавочцы.

«Дом блочны, аднапавярховы, гарэў увесь, адкрытым полымем. Гэта было пасля паўночы, з суботы на нядзелю. Сям'я там выпівала», — распавёў сведка. Па словах суседзяў, у доме пражывала пенсіянерка і два яе сыны 45—50 гадоў.

«Там усё згарэла, перакрыцці праваліліся, тушылі каля гадзіны — нават суседні дом полымем крыху пашкодзіла», — распавядае сведка.

Паводле інфармацыі МНС, паведамленне пра пажар паступіла 24 красавіка ў 00:58.

«Пасля прыбыцця да месца выкліку будынак гарэў адкрытым полымем, дах і перакрыцце абваліліся. У доме пражывалі жанчына-пенсіянерка, два паўналетнія сыны, а таксама сужыцелька аднаго з сыноў. Пад абваленымі канструкцыямі ратавальнікі знайшлі целы шасці чалавек.

Пажар ліквідаваны, яго прычына усталёўваецца, адна з версій — неасцярожнае абыходжанне з агнём пры курэнні ў нецвярозым стане.

Праверку праводзіць Следчы камітэт, на месцы працуюць спецыялісты Дзяржаўнага камітэта судовых экспертыз», — паведамляе МНС.

nn.by

7
Джон Жарптушкін / Адказаць
24.04.2017 / 10:04
- Дагэтуль ня ведаю, дзе Клічаў, а дзе Крычаў.
- Дык ты проста тупы.
2
МатрУна / Адказаць
24.04.2017 / 11:25
кошмаррр ....
1
Нестар / Адказаць
24.04.2017 / 11:31
Беларусы лідары па алкагалізму.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру