Вечарынка ў эстэтыцы БДСМ прайшла ў гродзенскім клубе «Афрыка». Напярэдадні вечарыны ў сацсетках разгарнулася палеміка: нехта казаў пра распаўсюд парнаграфіі, іншыя — пра касцюмаванае шоу.
Як паведамляе Hrodna.life, выпадковаму наведвальніку трапіць на вечарыну было немагчыма, на ўваходзе ўсіх чакаў жорсткі дрэс-код і фэйскантроль — у клуб прапускалі толькі ў адпаведных касцюмах
«Loshadka Раrty — гэта не BDSM-вечарына. Калі ў вобразах гасцей прадстаўлены касцюмы і атрыбутыка гэтай культуры, то толькі з-за яе асаблівай эстэтыкі і прыгажосці. Касцюмы са скуры і латэксу дадаюць пікантнасці практычна ў любую выяву», — распавёў адзін з арганізатараў вечарыны.
Ён падкрэсліў, што Loshadka Раrty — гэта свайго роду пратэст супраць штодзённасці: «Гэта імпрэза і спектакль, дзе кожны можа распрануцца і агаліць сваю натуру, даць волю сваім таемным фантазіям і пагуляцца на мяжы дазволенага і забароненага».
На падрыхтоўку вечарынка сышло два месяцы: шыліся спецыяльныя касцюмы, рэпетаваліся танцавальныя нумары, абслугоўваючы персанал праходзіў спецыяльныя трэнінгі, рыхтавалася памяшканне і прома-матэрыялы.
Арганізатары вечарыны лічаць, што начное клубнае жыццё ў Гродне дэградуе, уладальнікі ўстаноў не хочуць ці не могуць прапанаваць новыя фарматы забаў, а стандартны набор з дыджэем і go-go ўжо не здольны сабраць аўдыторыю.
«Гораду патрэбны новы фармат мерапрыемстваў. І калі мы хочам, каб у нас была клубная культура, тады яна мае патрэбу ў поўнай перазагрузцы», — мяркуюць арганізатары Loshadka party.
Яны кажуць аб паспяховасці мерапрыемства, бо ўжо атрымалі некалькі прапаноў правесці аналагічныя вечарынкі ў мінскіх клубах.
