30.04.2017 / 12:45

Улады Венецыі збіраюцца абмежаваць паток турыстаў 6

Мясцовыя ўлады прынялі рашэнне аб абмежаванні ўезду турыстаў у «горад на вадзе», паведамляюць інфармагенцтвы. Пачаць плануецца з дакладнага падліку колькасці тых, хто прыязджае ў Венецыю.

italymagazine.com

Эксперыментальныя падліковыя прылады будуць устаноўленыя ў самых людных і прахадных месцах — на вакзале, прыстані, а таксама вузлавых вуліцах. Ініцыятыву яшчэ павінен ухваліць урад Італіі і ЮНЕСКА, аднак мэр Венецыі Луіджы Брун'яра упэўнены, што рашэнне акажацца станоўчым.

У першую чаргу новаўвядзенне павінна аблегчыць жыццё простым італьянцам, якія жывуць у горадзе і пакутуюць ад мільёнаў турыстаў, якія прыбываюць у Венецыю штогод. Пасля плануецца абсталяваць спецыяльныя зоны адпачынку для гасцей, а таксама ўкараніць функцыю абвесткі пра масавы наплыў прыезджых.

Не выключана, што будзе ўведзеная плата за наведванне цэнтральнай плошчы горада, на якой размешчаны сабор Сан-Марка. Пакуль уваход туды быў свабодным.

Паводле даных тураператараў, летась Венецыю наведалі каля 7 млн турыстаў. У той жа час, насельніцтва самога горада зменшылася да 56 тысяч чалавек.

nn.by

2
вася / Адказаць
30.04.2017 / 13:41
Правiльна!
3
Трата времени / Адказаць
30.04.2017 / 21:08
Большинство туристов находится там непродолжительное время, чаще всего в течение одного дня. И именно туристы приносят доход городу, без туристов там вообще нет работы, именно поэтому и уменьшается число жителей
1
Мулла Омар / Адказаць
01.05.2017 / 10:04
Понаехали!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру