Следчыя высвятляюць акалічнасці смерці мужчыны і жанчыны, чые целы знайшлі ў адным з дамоў на вуліцы Убарэвіча яшчэ ў сярэдзіне красавіка. Пра гэта TUT.BY распавёў афіцыйны прадстаўнік Упраўлення Следчага камітэта па Мінску Аляксей Клімовіч.
18 красавіка ў адной з кватэр жылога дома былі знойдзены целы 51-гадовага мужчыны і 43-гадовай жанчыны з агнястрэльнымі раненнямі. Вядома, што гэта сямейная пара.
«Праведзены агляд месца здарэння, апытаны суседзі і відавочцы. Заведзена крымінальная справа па арт. 139 Крымінальнага кодэкса («Забойства»). Разглядаецца шэраг версій, у тым ліку — версія дамоўнага суіцыду», — распавёў TUT.BY Аляксей Клімовіч.
Гэта значыць, імаверна, муж і жонка самі прычынілі смяротныя траўмы. Дакладны адказ дасць расследаванне.
Прызначаны шэраг экспертыз, у тым ліку біялагічная і генатыпаскапічная.