05.05.2017 / 18:13

Кіраўнік Еўракамісіі: Англійская мова губляе значэнне ў Еўропе 4

Англійская мова здае свае пазіцыі ў Еўропе, заявіў старшыня Еўракамісіі Жан-Клод Юнкер. Такую заяву ён зрабіў на канферэнцыі ў Італіі, дзе выступіў з прамовай на французскай, а не на англійскай мове, паведамляе ВВС.

«Павольна, але дакладна англійская мова губляе значэнне ў Еўропе, у тым ліку таму, што цяпер выбары ў Францыі», — патлумачыў ён выбар мовы. Рэпліка была сустрэтая смехам і апладысментамі.

«Мы будзем весці перамовы з нашымі брытанскімі сябрамі без прадузятасці. Але давайце не забываць, што гэта не ЕС пакідае Вялікабрытанію, а Вялікабрытанія пакідае ЕС», — адзначыў кіраўнік Еўракамісіі ў сваёй прамове.

На мінулым тыдні нямецкая прэса пісала аб напружанай сустрэчы кіраўніка Еўракамісіі і брытанскага прэм'ер-міністра Тэрэзы Мэй, на якой абмяркоўваўся выхад Вялікабрытаніі з ЕС. Тады Юнкер нібыта сказаў, што пасля гутаркі з Мэй ён настроены «ў дзесяць разоў больш скептычна, чым да гэтага».

nn.by

1
папагена / Адказаць
05.05.2017 / 19:25
So, we should renew our Francaise)
2
Мікола))) / Адказаць
05.05.2017 / 21:57
Ангельская мова перастане быць даміноўнай у Эўропе, як расейская ў г.зв. "СНД"
1
Tamara / Адказаць
05.05.2017 / 23:36
Ангельская будзе дамінаваць не толькі ў Еўропе але і ва ўсім свеце,таму што яна міжнардная і прыгожая мава
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру