06.05.2017 / 09:56

Францыя забараніла паказваць схуднелых мадэлек 11

У Францыі прыняты закон, які забараняе выкарыстанне для модных паказаў і рэкламных здымак празмерна худых мадэлек.

Мера прадыктавана клопатам пра здароўе як саміх мадэлек, так і астатніх грамадзян, перш за ўсё маладых жанчын, заявіла ў пятніцу міністр аховы здароўя Марысоль Турэн.

Паводле яе слоў, ненатуральныя і нерэалістычныя стандарты прыгажосці развіваюць у многіх з іх комплекс непаўнавартасці, што, у сваю чаргу, вядзе да хранічнага недаядання.

Згодна з новымі правіламі, пры ўладкаванні на працу мадэль павінна будзе прадаставіць даведку ад доктара аб стане здароўя, у тым ліку пра тое, што яе індэкс масы цела (суадносіны вагі і росту) знаходзіцца ў межах нормы.

За невыкананне закона працадаўцам пагражае штраф да 75 тысяч еўра або зняволенне на тэрмін да шасці месяцаў.

Новыя правілы ўступяць у сілу 1 кастрычніка.

У 2015 годзе, калі адпаведная заканадаўчая ініцыятыва была ўнесеная ў парламент, прапаноўвалася прапісаць індэкс масы цела мадэляў у нарматыўным акце, але пасля пярэчанняў мадэльных агенцтваў патрабаванні змякчылі, даўшы ўрачам права самастойна вырашаць, што небяспечна для здароўя, і што не.

Фатаграфіі мадэлек, змененыя пры дапамозе фоташопу, павінны будуць несці маркіроўку: «здымак адрэтушаваны».

Падобныя нормы ў апошнія гады былі прынятыя ў Італіі, Іспаніі і Ізраілі.

Паводле звестак медыкаў, звыш 30 тысяч французаў пакутуюць на анарэксію, каля 90% з іх - маладыя жанчыны.

8
Свояк / Адказаць
06.05.2017 / 13:00
Молодцы! Давно пора. А то гоняются за худыми, тощими фигурами, плоскими как доски. Смотреть не на что, аж противно!
7
Пирамида Мяскоу / Адказаць
06.05.2017 / 17:27
Свояк, наконец-то и французы поняли, что красивая девушка/женщина - не дистрофик с синим от голода лицом и трясущимися коленками вегетерианца, а полнокровная красавица с круглой попой, грудью и вообще упитанная.
3
belariy / Адказаць
06.05.2017 / 18:45
згодзен. сам сваю жонку адкарміў і цяпер, дзякуй богу, ёсьць за што ўхапіцца. )))
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру