23.05.2017 / 20:43

Колькі чытачоў «Нашай Нівы» маглі б абразіць пачуцці вернікаў займальныя вынікі тэста 38

Некалькі тыдняў таму мы апублікавалі паўжартаўлівы тэст «Ці маглі б вы абразіць пачуцці вернікаў?»

На здымку — Джуд Лоу ў ролі Папы ў серыяле італьянскага рэжысёра Паола Сарэнціна «Малады Папа».

Тэст прайшлі больш за 2250 чалавек. Ніжэй прыводзім, хто што ўбачыў пасля праходжання тэста.

50% — 881 чалавек

Вы паважаеце прадстаўнікоў розных рэлігій, а таксама агностыкаў, атэістаў і ўвогуле ўсіх людзей. Вы вельмі талерантны чалавек і шырока ўспрымаеце навакольны свет, з чым мы вас і віншуем.

26% — 460 чалавек

У вашым жыцці вера займае важнае месца. Для вас гэта не проста наведванне царквы ў вялікія святы і фарбаванне яек. Рэлігія — частка вашай уласнай філасофіі, вашага светаўспрымання. Канечне, вы б ніколі не абразілі пачуцці вернікаў.

16% — 277 чалавек

У вас добрае пачуццё гумару! Але будзьце асцярожныя, бо не ўсе могуць яго зразумець. Таму часам лепш трымаць язык за зубамі, бо мала ці што…

8% — 132 чалавекі

Пакрыўджаныя вернікі на вас ужо дакладна накаталі не адну заяву ў міліцыю. Таму рыхтуйцеся. Закупляйцеся сухарамі, туалетнай паперай, цёплымі шкарпэткамі. Спіс рэчаў, якія можна перадаваць у турму, мы якраз не так даўно друкавалі. Але ёсць у гэтым і прыемны бонус: навіна пра вас абавязкова з’явіцца на галоўнай старонцы «Нашай Нівы» ў рубрыцы «Крымінал».

Кацярына Карпіцкая, Настасся Роўда

16
Devil / Адказаць
13.05.2017 / 11:52
Вынік: Вы паважаеце пралстаўнікоў розных рэлігій...ну хз, няпраўда, наадварот кепска адношуся да тых хто пастаянна ходзіць у царкву, моліцца, чытае евангеле.Рэлігія, як і царква-гэта бізнес з казачнымі персанажамі!
2
1 / Адказаць
13.05.2017 / 12:11
Што значыць "ца і маглі б вы?"?! Вы што, сумняваецеся ў маіх здольнасцях?!
10
вожык / Адказаць
13.05.2017 / 12:45
ерунда нейкая 
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру