17.05.2017 / 15:05

Дарафеева пра Еўрабачанне: Не трэба нікому дагаджаць, а рабіць сваё, нацыянальнае, самабытнае 29

У кулуарах чарговага паседжання Палаты прадстаўнікоў дэпутатка Ірына Дарафеева пракаментавала «Нашай Ніве» 17-е месца гурта «Наві» на Еўрабачанні.

«Мы, беларусы, можам смела ганарыцца гэтым выступам, — сказала яна. — Такі ўжо падыход у некаторых — у фінал прайшлі, дык шчаслівыя, а як там штосьці незадалася, пачынаецца: штосьці было не так. І давай шукаць, што менавіта. Але я так не думаю. Канечне, мы заслугоўвалі больш высокага месца, але скажам шчыра — добра і тое, што мы прайшлі ў фінал».

Ірына Дарафеева. Фота Еўрарадыё

Уражанні ж ад выступу дуэта Арцёма і Ксюшы ў Дарафеевай засталіся самыя цёплыя. 

«Я сама выканаўца, слухаю шмат чужой музыкі, таму разумею — вельмі проста капіяваць кагосьці. Але тут не тое — у «Наві» сваё, незвычайнае гучанне, якое нічый стыль не пераймае. Песня годная, самабытная. Хацелася б і адзначыць, што сёлета першы раз, калі на этапе рэспубліканскага адбору не ўзнікла ніякіх канфузаў — ніхто не аспрэчваў вынікі. Гармонія ў рашэнні журы і гледачоў. Так, мы больш слухаем расійскую музыку, магчыма, таму часам гучаць нейкія абвінавачванні, што беларуская поп-эстрада бярэ ўзор з расійскай. Але я думаю, што нам не трэба нікому дагаджаць, трэба рабіць тое, што лічым сваім, нацыянальным, самабытным. І ў дадзеным кантэксце гурт «Наві» выглядаў годна і паказаў твар краіны. Мне хочацца, каб заўсёды прысутнічала штосьці нацыянальнае. Каб гэта не было шаблонна, каб мы не выглядалі падобнымі да кагосьці. Каб мы былі падобныя да сябе — вось што трэба несці», — параіла дэпутатка. 

АЯ

5
так / Адказаць
17.05.2017 / 15:18
 Песня годная, самабытная. Наша мова прыгожая, спеўная і меладычная. Трэба працаваць над вакалам і правільным выбарам песні... Тая ж  «Купалінка», праспяваная моцным спеваком, мела б яшчэ больш пунктаў.
12
Васіль / Адказаць
17.05.2017 / 15:19
Цалкам згодзен з Ірынай!
3
Пikетчы / Адказаць
17.05.2017 / 15:30
Спасибо Валерию Дайнеко что поехали Navi а не ставленники БРСМ. А где была в это время Дорофеева? Депутатка назначенная ?
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру