18.05.2017 / 06:24

Прэзідэнт Сербіі прыляцеў у Беларусь звычайным рэйсавым самалётам 38

Прэзідэнт Сербіі Таміслаў Нікаліч вечарам 17 мая прыбыў у Беларусь з рабочым візітам. Ён скарыстаўся звычайным рэйсам авіякампаніі Lufthansa маршруту Франкфурт — Мінск.

Па дадзеных kp.by, вылет самалёта затрымалі на гадзіну з хвосцікам. У палёце пілоты паспрабавалі «нагнаць» затрымку, але ў Мінск Embraer ERJ-190 усё роўна прыляцеў са спазненнем у 50 хвілін - на пачатку 10-й гадзіны вечара. Наўрад ці гэта адбылося па прычыне чакання важнага госця - рэч у тым, што на паўтары гадзіны затрымаўся папярэдні рэйс гэтага самалёта ў Фларэнцыю - таму далейшы графік борта таксама збіўся.

Ля трапа прэзідэнта Сербіі чакаў браніраваны «Мэрсэдэс», у суправаджэнні джыпаў аховы са службы бяспекі прэзідэнта Беларусі. Адвезлі высокага госця зусім недалёка - да будынка аэрапорта. Ужо там прыгажуні ў беларускіх народных строях пачаставалі Таміслава Нікаліча караваем. Перш чым адкусіць кавалачак, прэзідэнт Сербіі перахрысціўся, дадае kp.by.

Плануецца, што 18 мая ў Палацы Незалежнасці адбудзецца сустрэча Таміслава Нікаліча з Аляксандрам Лукашэнкам.

Аляксандр Лукашэнка узнагародзіць Нікаліча ордэнам Дружбы народаў за значны ўклад ва ўмацаванне міру, дружалюбных адносін і супрацоўніцтва паміж Беларуссю і Сербіяй, піша БелТА.

Прэзідэнцкія паўнамоцтвы 65-гадовага Нікаліча заканчваюцца ўжо 31 мая. Новым прэзідэнтам Сербіі быў абраны яго аднапартыец Аляксандр Вучыч, які ў лютым гэтага года пабываў у Беларусі на пасадзе прэм'ера.

0
человек / Адказаць
18.05.2017 / 07:00
Не пора ли и нашему высокому руководству пересесть на рейсовые маршруты?
0
Димон / Адказаць
18.05.2017 / 07:17
Улоф Пальме на работу на велосипеде ездил. Я 10 лет жил в Лондоне.Там  многие чиновники на метро передвигаются. Помню некая Тимакова была возмущена когда англичане не предоставили ей персонального водителя.. Она же таежный секретарь. Но справедливости ради высосокопоставленный чиновник должен иметь право на  оплаченный проездной. Для исполнения служебных обязанностей.
50
belariy / Адказаць
18.05.2017 / 07:17
человек, рэйсавыя самалёты - гэта для такіх жабракоў і лузераў як прэзідэнт Сербіі і інш. 
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру