18.05.2017 / 21:54

Украінская пракуратура завяла справу супраць Сталіна і Берыі за дэпартацыю крымскіх татараў 22

Пракуратура Крыма падпісала апавяшчэнне аб падазрэнні Іосіфу Сталіну і Лаўрэнцію Берыі ў гвалтоўным перасяленні ў 1944 годзе крымскататарскага народа і прадстаўнікоў іншых нацыянальных груп з тэрыторыі Крымскай АССР.

Пра гэта гаворыцца ў паведамленні прэс-службы Генеральнай пракуратуры ў чацвер, піша УП.

У паведамленні паказваецца, што ў снежні 2015 года пракуратурай Аўтаномнай Рэспублікі Крым было пачатае расследаванне ў адпаведнай крымінальнай справе.

«За паўтара года ў ходзе дасудовага следства ў дзяржаўныя архівы накіравана 53 запыты, 52 — у вышэйшыя навучальныя ўстановы і 67 — у навуковыя бібліятэкі. Інфармацыя збіралася па ўсіх установах на тэрыторыі Украіны. Атрыманая інфармацыя апрацаваная і складзеныя 103 пратаколы агляду названых дакументаў», — гаворыцца ў заяве.

Паводле паведамлення, пракуратура накіравала запыты аб міжнароднай прававой дапамозе ў Рэспубліку Узбекістан, Казахстан і Расійскую Федэрацыю.

«Акрамя гэтага агледжана 310 тамоў крымінальнай справы, у якой 13.01.2010 вынесеная пастанова, згодна з якім Галадамор украінскага народа 1932-1933 гадоў прызнаны генацыдам, а прадстаўнікоў органаў дзяржаўнай улады СССР Іосіфа Сталіна, Вячаслава Молатава, Лазара Кагановіча і іншых прызнаныя вінаватымі ў арганізацыі і здзяйсненні дадзенага злачынства», — гаворыцца ў заяве.

Паведамляецца, што на сённяшні дзень выяўлена больш за 250 сем'яў — патэнцыйных пацярпелых, а ў якасці сведак і пацярпелых дапытана 63 чалавекі, з якіх — 45 жыхароў часова акупаванай тэрыторыі АР Крым.

У гэтай крымінальнай справе складзены рэестр асоб, у дачыненні да якіх асабіста і іх сем'яў прадстаўнікамі Савецкай улады былі здзейсненыя дзеянні па гвалтоўным перасяленні.

Паведамленне аб падазрэнні ў злачынстве дэпартацыі крымскататарскага народа і прадстаўнікоў іншых нацыянальнасцяў падпісала начальнік аддзела працэсуальнага кіраўніцтва па крымінальных вытворчасцях следчых пракуратуры і падтрымання дзяржаўнага абвінавачвання АР Крым Святлана Блудава.

nn.by

10
Кажыма праўду / Адказаць
18.05.2017 / 22:12
Чырвоных катаў – да адказнасці!
8
Маклай / Адказаць
18.05.2017 / 22:30
Пора, пора и пору перешло... Свой Нюрнберг должен быть и над коммуно-большевизмом или коммуно-фашизмом, что одно и то же!
8
Алесь Тыбульскi / Адказаць
18.05.2017 / 22:34
Выкапаць i выслаць у Сiбiр цi у Казахстан!
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру