19.05.2017 / 15:10

Урад Японіі: імператар Акіхіта можа сысці 6

Урад Японіі ўхваліў законапраект, паводле якога імператар Акіхіта зможа зрачыся трону. Але гэты закон зможа спрацаваць толькі адзін раз.

У мінулым годзе 83-гадовы імператар паведаміў, што здароўе і ўзрост не дазваляюць яму паўнавартасна выконваць свае абавязкі.

Але ў дзеючым заканадаўстве Японіі няма пункту аб адрачэнні, таму імператар не можа па ўласным жаданні перадаць уладу наследнаму прынцу Нарухіта.

Законапраект будзе разглядацца ў парламенце краіны і, як мяркуюць, будзе прыняты.

Апошні раз японскі імператар адракаўся ад трону ў 1817 годзе.

Галоўны сакратар кабінета міністраў Ёшыхідэ Суга сказаў журналістам у пятніцу, што ўрад спадзяецца на бесперашкоднае прыняцце закона.

Імператар Акіхіта перанёс аперацыю на сэрцы і лячыўся ад раку прастаты. Ён заняў трон пасля смерці свайго бацькі, імператара Хірахіта, у 1989 годзе. Яго любяць і шануюць у Японіі.

У жніўні ў звароце да нацыі ён сказаў, што пачынае адчуваць абмежаванні, якія накладае на яго ўзрост, і што гэта прывяло яго да разважанняў аб ролі і абавязках імператара.

Закон забараняе імператару выказвацца па пытаннях палітыкі, таму імператар Акіхіта не мог проста сказаць, што хоча адрачыся ад пасаду.

У законапраекце, ухваленым кабінетам міністраў, гаворыцца аб шырокай падтрымцы рашэння імператара яго падданымі.

Бі-бі-сі

0
Имя розы / Адказаць
19.05.2017 / 15:57
Банзай!!!
5
Леонид Олегович / Адказаць
19.05.2017 / 16:26
В обществе Японии преобладают свои политические условия, для нашего государства такое решение - не пример.
0
Mahno / Адказаць
19.05.2017 / 18:41
Yaponskaia Imperatarskaia Dybastyia- samaya starajytnaia u svece, ioj amal 2000 gadou...  a Ulichvauchy umovy jyccia u Yaponii -dyk hai i dalej kiruuc svaioj krainai
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру