26.05.2017 / 18:28

У Таджыкістане ў антыкарупцыянера знайшлі бункер з золатам, 19 мільёнамі даляраў і джыпамі 19

У Таджыкістане ў доме бацькоў старшага следчага антыкарупцыйнага органа Фірдаўса Ніёзбадалава знойдзены бункер, у якім захоўваліся 19 мільёнаў даляраў, мяшкі з золатам, каштоўнымі камянямі і шэсць джыпаў. Пра гэта паведаміла таджыкістанскае выданне «Ахбор», піша Tut.by.

Тут і ніжэй фота akhbor.com

Тайнік быў выяўлены ў горадзе Бустон (былы Чкалаўск) падчас ператрусу уладанняў бацькоў Ніёзбадалава супрацоўнікамі ДКНБ (Дзяржкамітэта нацыянальнай бяспекі Таджыкістана).

Ніёзбадалаў — зяць былога сакратара Савета нацыянальнай бяспекі Аміркула Азімава. Тайнік быў у доме ў бацькі, Абдугафора Ніёзбадалава, былога намесніка пракурора Сагдыйскай вобласці. Яго прасторны асабняк складаецца з шасці дамоў з камерамі відэаназірання, падземнымі гаражамі і, як паказаў уладальнік, — з бункерам.

Паводле даных сведак, старэйшы Ніёзбадалаў добраахвотна паказаў следчым уваход у бункер, які быў практычна незаўважны.

Яго жонка аказала люты супраціў следчым і пагражала самаспаленнем. Жанчына ўсяляк выгароджвала сына, заяўляючы, што ўсё знойдзенае належыць ім з мужам. 

Мноства сведкаў, якія сабраліся каля асабняка, бачылі, як з яго выносілі некалькі мяшкоў з далярамі, золатам і каштоўнымі камянямі, а таксама выкочвалі шэсць джыпаў.

У цяперашні час у Таджыкістане праводзіцца серыя арыштаў былых і дзейных супрацоўнікаў антыкарупцыйнага ведамства.

0
NavuchencaBK / Адказаць
26.05.2017 / 18:49
Ва ўсіх таталітарных краінах спосабы пошуку грошай падчас іх недахопу выглядае аднолькава. Напачатку пад выглядам барацьбы з злачынствамі ціснуць ўсіх, да каго могуць дацягнуцца, а потым адзін аднога.
За апошнія 10 год із Таджыкістона уцяклі ўсе прадпрымальнікі з боль-меньш важкімі капіталамі, каго не пасадзіў Рахмон. Засталіся толькі чалоны сям'і. Аніхто з боку. Паглядзіце і на апісанага - чалон сям'і былога набліжанага.
Ўсе сцэнары гэткіх краінаў падобныя, ўсё перадказальна.
1
Петр / Адказаць
26.05.2017 / 19:15
чаму так мала знайшли ?
19
тамара / Адказаць
26.05.2017 / 19:15
ХРАМ БЫ ПАБУДАВАЎ, ДЫК ЕН,         ЕЛУПЕНЬ  ГРОШЫ ЗАКАПАЎ,ХІБА   Ж НЕ АСЕЛ.     
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру