02.06.2017 / 16:46

Колькасць абітурыентаў, якія абралі на ЦТ беларускую мову, вырасла на рэкордныя 28% 39

Дырэктар Рэспубліканскага інстытута кантролю ведаў Мікалай Фяськоў назваў колькасць абітыруентаў, якія запісаліся на цэнтралізаванае тэставанне па тым ці іншым прадмеце.

Ілюстрацыйнае фота.

Агулам зарэгістраваліся 92 274 чалавек. Гэта на 8500 чалавек менш, чым летась. Але з улікам таго, што цяпер кожнаму дазволена здаваць па чатыры прадметы, колькасць тэстаў, якія будуць здаваць абітурыенты, павялічылася.

На беларускую мову зарэгістраваліся амаль 28,5 тысячы чалавек (летась было 22,3 тысячы чалавек). Рост склаў 28% — гэта рэкорд сярод прадметаў.

На рускую мову запісаліся 75,4 тысячы абітурыентаў (было 78 тысяч).

Услед па папулярнасці ідуць матэматыка (51,5 тысячы чалавек), фізіка (больш за 30 тысяч), а таксама біялогія і англійская мова — па 29 тысяч чалавек.

1
студэнт / Адказаць
02.06.2017 / 16:52
Вось табе і маеш. Жыве Беларусь!
1
Алла / Адказаць
02.06.2017 / 17:05
Не будзе мовы -не будзе долі! Сэнс трэба ведаць мовны!
1
МН / Адказаць
02.06.2017 / 17:19
Я ўжо казаў, што ворагам не варта радавацца, а беларусам адчайвацца з-за "смерці" мовы. Беларусь і беларуская мова жывыя. Яны папросту стаіліся, як заўжды было ў неспрыяльных умовах, каб выжыць. Чарговае беларускае Адраджэнне пасля змены гэтага рэжыму будзе імклівым і незваротным. А цяпер - працуем на будучыню. Жыве Беларусь! Жыве беларуская мова!
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру