14.08.2008 / 19:02

Ярмошына не вінаватая 10

Лічба сяброў участковых выбарчых камісій ад апазыцыі нават меншая, чым у 2004 годзе. Гэтак, са 315 прадстаўнікоў Партыі БНФ ва ўчастковыя камісіі прайшлі толькі 6, прычым як на зьдзек — на малюпасенькі закрыты ўчастак. Апазыцыя ўстае перад цяжкой дылемай, ці ўдзельнічаць далей у такой кампаніі.

Лічба сяброў участковых выбарчых камісій ад апазыцыі нават меншая, чым у 2004 годзе. Гэтак, з 350 вылучэнцаў АГП у камісіі прайшлі толькі 5, а з 315 прадстаўнікоў БНФ — толькі 6, прычым як на зьдзек — на малюпасенькі закрыты ўчастак.

З 150 чалавек, вылучаных ад Партыі БНФ у сябры ўчастковых выбарчых камісіяў у горадзе Менску, зацьверджаныя толькі 3. Прычым на 541 участку Ўсходняй выбарчай акургі № 107, дзе вылучаецца Вінцук Вячорка, — як на зьдзек, на малюпасенькі закрыты ўчастак у сухотным шпіталі, 60 выбарцаў, дзе і назіраць няма чаго.

У Берасьці ў склад участковых камісій увайшлі 7 вылучэнцаў дэмакратычных сілаў на 125 участкаў.

Актывісты прысутнічалі на паседжаньнях раённых адміністрацый, дзе 13 жніўня адбылося фармаваньне камісій. «Абмеркаваньня не было», — кажуць.

У 45 акругах Барысава з 45 дэмакратычных актывістаў, якія падавалі дакументы на ўключэньне ў склад участкавых выбаркамаў, ня ўключаны ні адзін чалавек. Тое самае ў Барысаўскім раёне.

Тое самае ў Мастах: з 16 прапанаваных не ўключылі ніводнага.

Тое самае ў Кобрыне, у Гомельскай вобласьці.

Усяго, згодна з паяпярэднімі зьвесткамі, з паўтары тысячы прадстаўнікоў АДС у камісіі ўключылі 18 чалавек.

Затое неадменна ўваходзяць у камісіі супрацоўнікі ідэалягічных і аргаддзелаў выканкамаў — нават тыя, з чыімі імёнамі былі зьвязаныя гучныя скандалы на мінулых выбарах, як у Маларыце.

Адмоўлена ўсім без разбору, хто не па лукашэнкаўскіх сьпісах, нават былому намесьніку старшыні Канстытуцыйнага суду Валер’ю Фадзееву.

Паводле закону, у камісіі могуць уваходзіць ад пяці да 19 чалавек, у залежнасьці ад патрэбы.

Лідзія Ярмошына ў пятніцу ў інтэрвію радыё «Свабода» выказала кракадзілава шкадаваньне вынікамі фармаваньня выбарчых камісій: «Справа ў тым, што гэта права тых, хто стварае камісіі. Можна крытыкаваць гэту пазыцыю, але гэта іх права. Шчыра кажучы, я ня вельмі з гэтым пагаджаюся . Я не кажу пра тое, што патрэбна цалкам задавальняць усе заяўкі. Але патрэбна было ўважліва да гэтага падыходзіць. І гэта была мая сталая рэкамэндацыя. Але тым ня менш дзеяньні мясцовых уладаў законныя. І адкарэктаваць іх нейкім чынам я не магу. Таму што гэта права таго, хто ўтварае камісію. Ён сам адбірае кандыдатаў».

Лідзія Ярмошына ў пятніцу ў інтэрвію радыё «Свабода» выказала шкадаваньне вынікамі фармаваньня выбарчых камісій: «Справа ў тым, што гэта права тых, хто стварае камісіі. Можна крытыкаваць гэту пазыцыю, але гэта іх права. Адкарэктаваць іх нейкім чынам я не магу».

На выбарах 2004 году ў камісіі ўваходзіла ўсяго 0,2% незалежных сяброў. Сёлета лічба яшчэ меншая.

Лукашэнкаўцы ня маюць намеру адмаўляцца да манаполіі на ўлады. Апазыцыя ўстае перад цяжкой дылемай, ці ўдзельнічаць далей у такой кампаніі. Зянон Пазьняк, незарэгістраваны «Малады фронт» і грамадзкая ініцыятыва «Хартыя-97» цьвёрда заклікаюць да байкоту выбараў.

Мікола Бугай

0
Брат Казюліна / Адказаць
14.08.2008 / 22:00
Калі адс не заявіць пра зьняцьцё ўсіх сваіх кандыдатаў у бліжэйшыя дні, кандыдаты на месцах будуць самі вызначацца з фарматам свайго ўдзелу ў фарсе. Думаю, шмат хто ў рэгіёнах блізкія да байкатаваньня \"выбараў\"
0
DzedFyodar / Адказаць
15.08.2008 / 09:13
Трэба и людзям дужа граматна тлумачыць пра тое, як будуць дзейничаць вылучэнцы ад АДС. Я на тварах менчукоу, зь ким гутару пры абходах, ня бачу !аничога! Выразнае "пофиг"! Слушна выказауся Севярынец у папярэдних выпусках газэты. Давайця праводзиць кампанию даказальна. А народ и так ня пойдзе на выбары.
0
bL8dy_R8ts / Адказаць
15.08.2008 / 09:55
Для грантасосаў галоўнае не перамога (на выбарах), а удзел. І калі ласка, калі пішаце "БНФ" то дадавайце альбо слова партыя, альбо прыметнікі "псэўда" ці "вячоркаўскі". Народ не пойдзе галасаваць за псэўда-аппазыцыю на псэўда-выбары.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру