08.06.2017 / 12:01

Міністр Каўхута адхілены ад працы па падазрэнні ў службовай падробцы 10

Міністр прыродных рэсурсаў і аховы навакольнага асяроддзя Андрэй Каўхута адхілены ад працы, у дачыненні да яго праводзіцца праверка. Пра гэта TUT.BY распавялі інфармаваныя крыніцы.

Па словах суразмоўцаў, на днях міністр быў адхілены ад пасады. «У дачыненні да яго праводзяцца [следчыя] мерапрыемствы», — сказала інфармаваная крыніца. Суразмоўцы не ведаюць, ці заведзеная ў дачыненні да Каўхуты крымінальная справа і якая мера стрымання ўжытая.

У прэс-службе Мінпрыроды дадзеную інфармацыю не пацвердзілі і не абверглі. «Міністэрства працуе ў штатным рэжыме», — сказалі там.

У праваахоўных органах заявілі, што не маюць намер каментаваць дадзенае пытанне ў бліжэйшыя дні.

У сакавіку КДБ і Камітэт дзяржкантролю выявілі факты незаконнага атрымання бюджэтных сродкаў дзяржаўным прадпрыемствам «НПЦ па геалогіі», дзе раней працаваў Каўхута. Сілавікі падазравалі чыноўнікаў з Мінпрыроды і навукова-вытворчага цэнтра ў зрыве дзяржпраграмы, якая павінна была абараніць флору і фаўну Беларусі, знайсці паклады карысных выкапняў. Шкода ацэньвалася ў больш чым мільён рублёў, былі распачаты крымінальныя справы.

«Па гэтай справе ўжо затрымлівалі высокапастаўленых чыноўнікаў Мінпрыроды. Але ім удалося адбіцца. Цяпер, мяркуючы па ўсім, чарга дайшла да міністра», — лічаць суразмоўцы.

0
Павел Ас / Адказаць
08.06.2017 / 07:59
І так будзе з кожным, хто не здолее выканаць загад па пошуку нафты ў Драздах :-)
3
Галина / Адказаць
08.06.2017 / 09:35
И договор о сотрудничестве с БПЦ (МП)  по вопросам охраны окружающей среды и строительству церквушек в заповедниках не помог. Другим наука!
1
Valutčyk / Адказаць
08.06.2017 / 10:18
Функционирование такой системы поддерживается ППРБ с 1994 года.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру