30 грузавікоў з санкцыйнай прадукцыяй былі затрыманыя мытнікамі ў ноч на 16 чэрвеня недалёка ад Вязьмы (Смаленская вобласць РФ).
Фуры ўвозілі ў Расію польскія яблыкі і грушы пад выглядам крухмалу, піша «МК».
Пры затрыманні адзін з кіроўцаў спрабаваў уцячы і скіраваў свой аўтамабіль у бок мяжы з Беларуссю.
У часе пагоні ён тараніў машыну СОБРа, якая яго пераследавала. Цяпер кіроўца фуры затрыманы, распачатая крымінальная справа па артыкуле 318 КК РФ «Ужыванне гвалту ў дачыненні да прадстаўніка ўлады».
Санкцыйная прадукцыя прызначалася для маскоўскіх аптовых рынкаў. Затрыманыя грузавікі знаходзяцца на штрафстаянцы, следчыя высвятляюць прыналежнасць грузу.
0
0
0
0
0
0
