У 2015 годзе ў Маскве затрымалі некалькіх хлопцаў і дзяўчат, 19-25 гадоў. Пяцёра маладзёнаў жорстка забівалі людзей.
Падрабязнасці справы апісвае расійскі партал «Медуза».
Юнакі патлумачылі, што забівалі людзей, бо «чысцілі» горад ад бяздомных і п’янтосаў.
Але ахвярамі станавіліся і выпадковыя людзі.
Адной з ахвяраў была беларуска — 40-гадовая Алена Шыцік, якая прыехала зарабіць на рамонт у кватэры. Яе маці Вера Церашкова сказала «Медузе», што падчас апазнання ёй паасобку далі галаву і цела дачкі.
Жанчыну забіў 20-гадовы Павел Войтаў. Ён нанёс ёй 44 удары нажом.
«Тут я забіў бамжыху, — распавёў ён следчым на месцы забойства, побач з Цвярской-Ямской вуліцай. — Каля цеплатрасы тармазнуў яе, нанёс ёй удараў дваццаць, яна скацілася ў яму».
Месца забойства Алены. Фота - Сямён Кац, «Медуза»
«Матыў?» — спытаў следчы. Войтаў паціснуў плячыма.
«Нянавісць», — адказаў ён праз некалькі секунд.
«Да каго?» — удакладніў следчы.
«Да бамжоў», — адказаў ён.
Войтаў удзельнічаў у 14 забойствах.
Павел Войтаў. Фота — Сямён Кац, «Медуза»
Яго паплечнікі распавялі, што ад забойстваў той атрымліваў асалоду, нават падумваў аб тэракце.
Прысуд забойцам пакуль не вынесены.