23.06.2017 / 22:06

У Мінску з’явіцца помнік Каліноўскаму? «Кожны помнік у краіне ўзгадняе асабіста прэзідэнт» 48

У новым плане забудовы вуліцы Каліноўскага прадугледжаная мемарыяльная зона з помнікам герою Паўстання 1863 года.

Помнік Каліноўскаму ў Свіслачы. Фота euroradio.fm

Праект забудовы, распрацаваны «Мінскграда», вынесены на грамадскае абмеркаванне, паведамляе Onliner.by.

У камітэце архітэктуры і горадабудавання Мінгарвыканкама паведамілі, што калі праект вынесены на грамадскае абмеркаванне, то, значыць, ён ужо быў узгоднены.

Аднак помнік можа і не з’явіцца.

«Дэтальны план забудовы — гэта, скажам так, дакумент пра стратэгію развіцця, кірунак развіцця тэрыторыі. І ў такіх дакументах помнікі не пазначаюць, — патлумачыла «Нашай Ніве» Ірына Вабішчэвіч, начальнік аддзела гістарычнай забудовы і добраўпарадкавання камітэта архітэктуры. — Узгадненне і ўсталяванне помніка праходзіць зусім па-іншаму, яно не мае дачынення да дэтальнага плана забудовы, яно можа праходзіць пазней ці нават паралельна і незалежна ад яго».

Яшчэ адзін цікавы момант: па словах Вабішчэвіч, кожны помнік, які ставяць у гонар нейкай асобы, спачатку павінен атрымаць «дабро» ад прэзідэнта. Толькі калі Лукашэнка не выкажацца супраць, тады пачынаецца праца.

Што ж тычыцца нейкай працы па ўсталяванні помніка Каліноўскаму, то ва ўпраўленні па ідэалагічнай працы ўпраўлення культуры Мінгарвыканкама паведамілі, што нічога не чулі пра гэта.

У «Мінскграда» падрабязнасці з’яўлення помніка ў сваім праекце пакуль не каментуюць.

Нагадаем, што кампанія па зборы подпісаў праходзіла яшчэ ў 2013 годзе. Тады за неабходнасць устаноўкі помніка Каліноўскаму выказаліся амаль 4 тысячы чалавек. Але Мінгарвыканкам адказаў, што на адзін з дамоў па вуліцы Каліноўскага вярнулі мемарыяльную дошку, таму ўсталёўваць помнік ужо «немэтазгодна».

УШ

5
аўтаномны зянонавец / Адказаць
23.06.2017 / 15:34
з'явіцца ён у любым выпадку. пытанне толькі адно – адбудзецца гэта пры лукашэнку ці пасля яго?
5
Чытач / Адказаць
23.06.2017 / 15:38
Ой зараз павылазіць пакрыўджаная рускамоўнае насельніцтва і такі хай падыме, што перадумаюць ставіць помнік Каліноўскаму...
40
Тихомирно / Адказаць
23.06.2017 / 15:50
Врядли, там же рядом православный храм - Всехсвятская церковь, памятник окажется в зоне его канонической прилегающей территории и скорее всего будут протесты верующих. 
Паказаць усе каментары/ 48 /
Каб пакінуць каментар, калі ласка, актывуйце JavaScript у наладах свайго браўзеру