24.06.2017 / 14:14

На пажары ў Верхнядзвінскім раёне загінулі трое дарослых і немаўля 3

Ноччу ў аграгарадку Боркавічы ў Верхнядзвінскім раёне згарэў дом. Ратавальнікі знайшлі целы трох дарослых і пяцімесячнага немаўляці.

Паведамленне пра пажар ад відавочцы паступіла ў МНС 24 чэрвеня ў 03.25. Гарэў дом на вуліцы Рабочай.

Ратавальнікі, што прыбылі на месца здарэння, пабачылі, што дом ахоплены агнём, затым у будынку абрынуўся дах.

«Падчас тушэння былі знойдзены трупы траіх дарослых, а таксама цела хлопчыка 2017 года нараджэння, унука гаспадароў дома», — распавялі ў МНС.

У ведамстве таксама паведамілі, што, паводле папярэдняй інфармацыі, гаспадар дома і яго жонка на момант пажару адсутнічалі.

Прычына пажару высвятляецца, на месцы працуюць супрацоўнікі Следчага камітэта і Дзяржаўнага камітэта судовых экспертыз.

«Пры пажары загінулі 24-гадовы мужчына і яго 31-гадовая сужыцелька, 21-гадовая сястра загінулага мужчыны і яе 5-месячнае дзіця. Устаноўлена, што дом належыць бацькам загінулых брата і сястры», - распавяла афіцыйны прадстаўнік Следчага камітэта па Віцебскай вобласці Святлана Сахарава.

0
Татьяна / Адказаць
24.06.2017 / 17:47
Жуткое событие. Кошмар для родителей погибших. Соболезную.
0
Таццяна / Адказаць
24.06.2017 / 19:16
Божа, дапамажы бацькам загінулых. Як адбудоўваць дом, калі няма ні дзяцей, ні ўнука?
0
цывильны / Адказаць
25.06.2017 / 01:51
Таццяна,а зачем его отстраивать?в нем жить навряд ли кто будет вообще-четверо погибших ,сын не погиб,только дочь и внучка-не алкоголь вообще виной пожара?вон сколько людей в четвертом часу ночи погибли,а хозяин дома с женой неизвестно где в это время были
Каб пакінуць каментар, калі ласка, актывуйце JavaScript у наладах свайго браўзеру