25.06.2017 / 00:12

Момант, як танк у Мінску ўрэзаўся ў слуп, трапіў на ВІДЭА 75

Вечарам 24 чэрвеня ў Мінску прайшла рэпетыцыя параду 3 Ліпеня. Падчас праезду па праспекце Незалежнасці да месца правядзення парада адзін з танкаў каля метро «Маскоўская» ўрэзаўся ў слуп.

Адзін з людзей на вуліцы выпадкова зняў момант аварыі. Танк занесла, развярнула і ўдарыла ў ліхтарню. Танкіст, што сядзеў у люку, можна сказаць, нарадзіўся ў кашулі:

#minsk #репетиция #tutbylive

Публикация от Mikhail Ch. (@chyhir)

Шчасце, што побач не было людзей і ніхто не загінуў.

Танкі рухаліся цэнтральным праспектам сталіцы на даволі вялікай хуткасці і на значнай адлегласці адзін ад аднаго.

Магчыма, танкіст празмерна разагнаўся, а пасля скінуў газ. І гэта, магчыма, адбылося на кавалку дарогі, на якім адна гусеніца трапіла ў ваду, а другая — на сухое месца. Аднак усё гэта толькі меркаванне, канчатковы вердыкт вынесе аўтаінспекцыя.

Фота Henadzi Ermal, facebook.com.

На месцы здарэння працавала ДАІ.

Сама генеральная рэпетыцыя парада пачалася а 22.00, таму па маршруце праспект Машэрава — вуліца Ціміразева — вуліца Сапёраў — праспект Пераможцаў — вуліца Арлоўская — плошча Бангалор — вуліца Сурганава — праспект Незалежнасці — праспект Машэрава рух быў абмежаваны.

СГ

1
leikobel / Адказаць
25.06.2017 / 00:21
При движении на такой скорости по мокрому асфальту танк практически неуправляем и кто мог дать команду на такое передвижение? Это лихачество в самом настоящем виде!
3
Мой афарызм / Адказаць
25.06.2017 / 00:22
Мог выпадкова і выстраліць - чаго не бывае...
4
Пёс / Адказаць
25.06.2017 / 00:22
Гэта знак Бога, што танкам не месца ў горадзе! Камандзiру павязло, што танк не перакулiўся, а то б пересекла папалам!!!
Паказаць усе каментары/ 75 /
Каб пакінуць каментар, калі ласка, актывуйце JavaScript у наладах свайго браўзеру