29.06.2017 / 16:39

Каго абароніць Facebook: белага мужчыну ці чорнага хлопчыка? У сеціва трапілі спрэчныя правілы мадэрацыі сацсеткі 4

28 чэрвеня ў выданні ProPublica з’явілася раследаванне, якое выкрыла правілы Facebook у дачыненні да мадэрацыі «мовы варожасці» (hate speech). 

Публікацыя заснавана на дакументах для ўнутранага карыстання. Сцвярджаецца, што кампанія заўсёды захоўвала гэтыя дадзеныя ў сакрэце, і некаторыя з гэтых правіл з’яўляюцца вельмі спрэчнымі. У прыватнасці, ProPublica атрымала скрыншот унутранага тэста, у якім супрацоўнікам прапаноўваецца адказаць на пытанне: «Каго з прадстаўленых падгруп мы (Facebook) будзем абараняць?» Ёсць тры варыянты адказу: «жанчыны-кіроўцы», «чорныя дзеці» і «белыя мужчыны». А побач стаіць адзнака, што правільным з’яўляецца апошні варыянт.

Як даведаліся журналісты, правіламі Facebook прадпісана абараняць ад нянавісці «абароненыя групы» і ігнараваць нянавісць у бок іншай часткі насельніцтва.

Такім чынам, знявага ў бок «радыкальных мусульман» будзе адпавядаць правілам сацсеткі, таму што гаворка ў дадзеным выпадку ідзе пра канкрэтную групу асоб, а вось знявага «белых людзей» будзе з’яўляцца парушэннем, таму што такое згадванне будзе адносіцца да цэлага класа.

Рэдактар выдання The Verge Адзі Робертсан назваў гэтыя прынцыпы «пародыяй на сапраўдныя правілы». Як ён мяркуе, Facebook у сучасным выглядзе нагадвае аўтарытарную дзяржаву з непразрыстымі нормамі аб тым, што рабіць можна, а што — не.

Таксама эксперты крытыкуюць сацсетку за тое, што ў большасці выпадкаў карыстальнікі Facebook нават не ведаюць пра гэтыя правілы, і чалавек можа нават не здагадвацца, за што яго заблакавала адміністрацыя.

Хочаш падзяліцца важнай інфармацыяй ананімна і канфідэнцыйна?

Максім Маханькоў

3
tumash / Адказаць
29.06.2017 / 16:44
Фэйк!
4
Артур / Адказаць
29.06.2017 / 17:22
ФБ левацкая помойка.
2
Дядька Гриша / Адказаць
29.06.2017 / 19:57
Такие уже где глупости. Если такие правила и существовали бы, никто в здравом рассудке не стал бы их выносить даже на бумажный/электронный текстовый носитель, а тут тест с картинками
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру