29.06.2017 / 16:58

Міністэрства аховы здароўя плануе забараніць продаж кантактных лінзаў праз аўтаматы 13

У рэдакцыю TUT.BY патрапіў ліст за подпісам намесніка міністра аховы здароўя Ігара Ласіцкага. У ім пазначана, што ў краіне хочуць забараніць аўтаматы па продажы лінзаў. А акуляры і кантактныя лінзы плануюць распаўсюджваць толькі па рэцэпце доктара-афтальмолага і толькі ў спецыялізаваных крамах оптыкі, а таксама аптэчнай сетцы. Калі гэта здарыцца, пакуль невядома, а лінзаматы ўсё яшчэ працягваюць працаваць.

У лісце Міністэрства аховы здароўя гаворыцца, што ведамства разгледзела пытанне аб рэалізацыі кантактных лінзаў, карыгуючых акуляраў і аправаў. Міністэрства дакладвае, што продаж лінзаў дапускаецца толькі па рэцэпце доктара-афтальмолага, у спецыялізаваных крамах оптыкі і ў аптэчнай сетцы, у аўтаматах прадаваць лінзы забараняецца.

У спецыялізаваных крамах і оптыках, як правіла, ёсць акулісты, якія пры куплі могуць выпісаць рэцэпт. Аўтаматы ж павінны прыбраць.

Дакумент у рэдакцыю даслаў чытач.

Індывідуальны прадпрымальнік Аляксандр Бурак адным з першых прапанаваў беларусам купляць лінзы ў аўтамаце. У нашай краіне яны працуюць ужо тры гады.

— Я з'яўляюся афіцыйным прадстаўніком кампаніі Bausch&Lomb, увесь тавар сертыфікаваны і завозіцца афіцыйна, — распавядае Аляксандр Бурак. — Больш за тое, лінзы, якія я загружаю ў лінзаматы, я прадаю ў аптэкі, оптыкі і інтэрнэт-крамы. За час працы нам не паступала ніводнай скаргі на якасць прадукту.

Па словах суразмоўцы, лінзаматы стаяць ва Украіне, Польшчы, Расіі, Германіі, Літве, Латвіі — і там яны нікога не бянтэжаць.

— На кожным аўтамаце ёсць папярэджанне: купляць лінзы можна толькі па рэцэпце, — працягвае суразмоўца. — Але да нас без кансультацыі доктара чалавек і не прыйдзе. Як ён без спецыяліста дазнаецца, якія лінзы яму патрэбныя, як імі карыстацца?

Аляксандр кажа: калі дакумент будзе падпісаны, прыбяруць не толькі аўтаматы па продажы лінзаў, лінзы забароняць прадаваць праз інтэрнэт-крамы, а таксама «астраўкі», якія ёсць у буйных крамах.

— І што тады рабіць людзям у рэгіёнах? Выкажам здагадку: жыве чалавек у маленькім горадзе, дзе няма оптыкі, — не хавае эмоцый Аляксандр. — Цяпер яму кожны раз ездзіць па лінзы ў абласны цэнтр? Але навошта, калі ён можа замовіць ўсё гэта праз інтэрнэт-краму.

— Паедзе ў цэнтр па лінзы, адразу і зрок праверыць?

— Чалавек ідзе да доктара, калі адчувае, што ў яго падае зрок, — спрачаецца суразмоўца. — Для гэтага яму не трэба чакаць паездкі па новыя лінзы.

Аляксандр упэўнены: калі прыбяруць аўтаматы, у першую чаргу пацерпяць пакупнікі. Па-першае, у некаторых лінзаматах тавар можна купіць кругласутачна, па-другое, па больш нізкай цане.

Міністэрства аховы здароўя абяцае пракаментаваць сітуацыю ў найбліжэйшы час.

3
Орк / Адказаць
29.06.2017 / 18:51
Давайте запретим правительству издавать дурацкие указы
3
Chalavek / Адказаць
29.06.2017 / 19:11
Лепшы бы забаранілі прадаваць лінзы з тэрмінам карыстання меньш чым 1 год.
3
Трата времени / Адказаць
29.06.2017 / 20:49
Министерство лоббирует интересы своих людей! Уменьшение конкуренции приведет опять к увеличению цены для покупателя. Я сейчас покупаю линзы в интернет магазине, очень удобно, привозят сразу, никаких проблем и дешевле. А по поводу врачей... Пусть министерство мне покажет хоть одного нормального врача, который работает в магазине линз или аптеке, от них пользы ноль. Все равно приходится консультироваться у своего врача.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру