30.06.2017 / 15:20

На волю выйшаў Міраслаў Лазоўскі, апошні затрыманы па «справе патрыётаў» 13

Фота Радыё Свабода

Удзень 30 чэрвеня на волю выйшаў апошні зняволены фігурант «справы патрыётаў», колішні кіраўнік «Белага легіёна» Міраслаў Лазоўскі.

Яго вызвалення чакалі каля СІЗА на Валадарскага, але яго адвезлі дахаты.

Міраслаў распавёў, што абвінавачванне па артыкуле 287 засталося, ён застаецца пад падпіскай аб нявыездзе.

Ён займаўся спортам у СІЗА, чытаў шмат кніг. Кажа, што будзе папраўляць здароўе.

«Планы ажаніцца са Святланай засталіся», — смяецца ён. Падчас зняволення ён зрабіў прапанову нявесце.

Лазоўскі адзначае, што пастаянна адчуваў падтрымку з волі. «Дзякуй усім. Было вельмі шмат лістоў».

Тое, што чатыры гадзіны нічога не было вядома, Міраслаў Лазоўскі пракаментаваў тым, што па вызваленні яго адвезлі ў Следчы камітэт, дзе аддавалі рэчы.

Нагадаем, што затрыманні пачаліся пасля заявы Аляксандра Лукашэнкі 21 сакавіка, што затрымалі ў Беларусі «затрымалі дзясяткі баевікоў», якія «трэніраваліся ў лагерах са зброяй». Цягам некалькі дзён стала вядома пра 35 затрыманых. Спачатку паведамлялася, што справа вядзецца аб «падрыхтоўцы масавых беспарадкаў» (ч. 3 арт. 293 КК), пазьней зьявілася абвінавачанне ў «стварэнні незаконнага ўзброенага фармавання і ўдзеле ў ім» (арт. 287 КК).

У чэрвені справа была перададзеная ў юрысдыкцыю СК.

Цягам часу іх паступова вызвалялі. У аўторак былі выпушчаныя тры чалавекі, у сераду і чацвер па пяць.

Сёння старшыня СК Іван Наскевіч заявіў, што да канца дня ўсе затрыманыя выйдуць на волю.

.

1
Народны Трыбунал / Адказаць
30.06.2017 / 12:54
Здраднiкаў КДБ пад трыбунал.
2
Чытач / Адказаць
30.06.2017 / 12:55
Дзякуй Богу, што патрыётаў Беларусі выпусцілі!

Трэба зараз праверыць патрыётаў Расіі, што ладзяць вайсковыя лагеры ў Беларусі.
1
калгасны цырк / Адказаць
30.06.2017 / 12:55
Ну i дзе там базы падрыхтоўкi баевiкоў, тэрарыстычных актаў i што там з джыпам якi прарываўся?
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру