З 8 жніўня ў менскім сьледчым ізалятары знаходзяцца 14 супрацоўнікаў фірмы «Ўладпрадімпарт», якая пастаўляла ў Беларусь украінскія сокі «Садочак».

Як паведамляе «Брестскій курьер», затрыманы генэральны дырэктар, кіраўніцтва брэсцкага і баранавіцкага філіялаў фірмы, галоўны бухгалтар і нават кіроўца.

Гэту інфармацыю пацьвердзілі на самой фірме. Па неафіцыйнай інфармацыі, усе затрыманыя праходзяць па справе аб выбуху ў Мінску 4 ліпеня.

Аднак у міліцыі сьцьвярджаюць, што ў дачыненьні да супрацоўнікаў фірмы распачата крымінальная справа за ўхіленьне ад выплаты падаткаў.

Хочаш падзяліцца важнай інфармацыяй ананімна і канфідэнцыйна?