Брытанская кампанія G. F. Smith, якая займаецца вытворчасцю паперы, вывучыла колеравыя перавагі тысяч людзей больш чым са 100 краін і вызначыла, які колер з'яўляецца самым любімым у свеце. Як піша Refinery29, па выніках даследавання гэта званне дасталася сіне-зялёнаму адценню, якое атрымала назву Marrs Green — у гонар дызайнера Эні Марс, якая прапанавала яго для ўдзелу ў конкурсе. «Любімы колер свету» вызначалі шляхам галасавання.
«Я вельмі рада, што менавіта мой варыянт прызналі найлепшым, — дзеліцца Марс. — Я натхнялася пейзажам, які акаляе мяне дома ў Шатландыі. Гэты глыбокі зялёны колер з сінім адценнем заўсёды быў маім любімым».
Як адзначыла рэдактар часопіса Viewpoint Color Magazine Кэралайн Ціл, выбар рэспандэнтаў не выпадковы: людзі маюць псіхалагічную схільнасць да адценняў, якія здольныя адцягваць ад штодзённых трывог. «Паколькі сучасны чалавек усё мацней паглыбляецца ва ўрбаністычны і лічбавы лад жыцця, ён адчувае востры недахоп сувязі з прыродай. А такія колеры здольныя супакойваць і часткова аднавіць гэтую сувязь», — лічыць Ціл.
