Фота Сяргея Гудзіліна
Расійскі мільярдэр, старшыня савета дырэктараў «Слазкалій», Міхаіл Гуцэрыеў гатовы інвеставаць у Беларусь больш за 250 мільёнаў даляраў асабістых сродкаў. Пра гэта ён распавёў 7 ліпеня журналістам у Мінску, піша Tut.by.
Паводле яго слоў, ужо інвеставана каля 180 млн даляраў асабістых сродкаў. На гэтыя сродкі пабудавана гасцініца «Рэнесанс», тэрмінал у аэрапорце, бізнэс-цэнтр і база адпачынку ў Краснасельскім.
«База адпачынку ў Краснасельскім абышлася ў 40 млн даляраў», — прызнаўся Гуцэрыеў.
Ён таксама адзначыў, што на працягу бліжэйшых чатырох гадоў плануе інвеставаць у Беларусь 100 млн даляраў. Для гэтага ён зараз выбірае буйныя праекты — напрыклад, у яго планах «пабудаваць вялікую школу».
«Гэта не толькі камерцыйны, але і сацыяльны праект. Мы будуем не для сябе, а для дзяцей і ўнукаў», - сказаў расійскі бізнэсмен.
Журналісты «НН» пабывалі ў таямнічай рэзідэнцыі пад Радашковічамі
