07.07.2017 / 20:12

Русы: У Беларусі падтрымаюць тых, хто жадае пабудаваць родавыя маёнткі 43

У Беларусі падтрымаюць тых, хто жадае пабудаваць родавыя маёнткі. Пра гэта паведаміў сёння журналістам намеснік прэм'ер-міністра Міхаіл Русы, перадае БЕЛТА.

Міхаіл Русы адзначыў, што ідэя родавых маёнткаў цяпер набірае папулярнасць у Беларусі. Многія жадаюць вярнуцца ў вёскі, дзе, напрыклад, раней жылі іх бацькі, ці проста аддаюць перавагу быць бліжэй да прыроды.

«Рух набыў шырокі рэзананс. Мы рыхтуем дакладную запіску кіраўніку дзяржавы, — сказаў намеснік прэм'ер-міністра. — Шмат людзей, маладых і цікавых па прафесіях і наогул, жадаюць жыць сем'ямі ў экалагічна чыстых месцах».

У вёсках такія грамадзяне цяпер атрымліваюць зямельныя ўчасткі ў адпаведнасці з існуючай нарматыўна-прававой базай: для вядзення асабістай падсобнай гаспадаркі або будаўніцтва дачы (да 15 сотак). «А на тое, каб каб пабудаваць там нейкае прадпрыемства для вырошчвання экалагічна чыстых прадуктаў, гэтага мала. Таму мы зараз рыхтуем даклад кіраўніку дзяржавы, каб вызначыць форму функцыянавання, памеры гэтых паселішчаў, даць ім прававую базу», — адзначыў Міхаіл Русы.

Паводле яго звестак, у Беларусі ёсць больш за 570 чалавек, якія лічаць сябе уладальнікамі падобных родавых маёнткаў. Асабліва шмат такіх грамадзян у Валожынскім і Віцебскім раёнах.

Цалкам магчыма, што дапамогу ў гэтай сферы акажа і Белаграпрамбанк крэдытамі для будаўнічых работ, набыцця абсталявання або будынкаў.

Дом у в. Чышэвічы Валожынскага раёна. Фота кампаніі 101dom.by

0
Русафоб непамяркоуны, Змагар, Свядомы ,Пан , Беларус-туркабандэравец / Адказаць
07.07.2017 / 20:26
Дык ужо ж падтрымліваюць . У Драздах ужо цэлае паселішча маенткау, кожны коштам ад ад пау - мільена $ і вышэй
4
Туш / Адказаць
07.07.2017 / 20:28
Родавыя маёнткі - гэта там, дзе твае дзед з бабуляй жылі. А гэтыя "раднаверы" і іншыя дзіўныя рухі проста хочуць пабудаваць сабе жыццё ў вёсцы. Але калі ласка, не называйце іх Радавым маенткамі.
3
Нонстоп / Адказаць
07.07.2017 / 20:49
Спадар Русы, падтрымайце, калі ласка, уладальніку дакумэнтаў на зямельныя надзелы і будынкі часоў панскай Польшчы і перадайце ім іх у прыватную ўласнасьць, як гэта зроблена ў суседніх краінах Балтыі і спадкаемцаў-уладальнікаў дакумэнтаў часоў Расейскай Імперыі (ёсьць людзі, якія і гэта захавалі, не ўсіх паважаныя тарарышы-камуністы вынішчылі).
Паказаць усе каментары/ 43 /
Каб пакінуць каментар, калі ласка, актывуйце JavaScript у наладах свайго браўзеру