08.07.2017 / 14:13

Камітэт па правах чалавека ПА АБСЕ прыняў рэзалюцыю з крытыкай Беларусі: 31 «за», 17 «супраць» 14

Мінск, 25 сакавіка 2017 года, фота Сяргея Гудзіліна

Камітэт па правах чалавека і гуманітарных пытаннях ПА АБСЕ на сесіі ў Мінску прыняў рэзалюцыю «Становішча ва Усходняй Еўропе», у якой крытыкуюцца ўрады Беларусі, Расіі і Азербайджана. За прыняцце рэзалюцыі прагаласаваў 31 дэлегат, супраць - 17 і столькі ж устрымаліся.

Прадстаўляючы рэзалюцыю, яе аўтар з Швецыі Крысціян Хольм заявіў, што папярэднія выбары ў Беларусі ў 2015 і ў 2016 гадах не адпавядалі стандартам АБСЕ. Таксама паводле яго слоў, у краіне застаюцца абмежаванні на свабоду СМІ і сходаў, былі масавыя арышты падчас вясновых пратэстаў.

— Я заклікаю ўлады Беларусі паважаць права на свабоду сходаў і выказванне меркаванняў і адмовіцца ад смяротнага пакарання.

Хольм адзначыў, што нягледзячы на тое, што ЕС не прызнае наяўнасці палітвязняў у Беларусі, беларускія праваабаронцы прызнаюць такімі двух чалавек. Шведскі дэпутат таксама заклікаў рэабілітаваць палітвязняў і адмяніць артыкул 193.1 КК, які прадугледжвае адказнасць за дзейнасць ад імя незарэгістраванай арганізацыі.

Акрамя Беларусі ў рэзалюцыі крытыкуюцца Азербайджан і Расія як за ўнутраную сітуацыю, так і, у расейскім выпадку, за ўмяшальніцтва ва ўкраінскі канфлікт.

Намеснік кіраўніка Палаты прадстаўнікоў Баляслаў Пірштук заявіў, што сесію трэба напаўняць «аб'яднаўчымі, а не раз'ядноўваць» тэмамі.

- На жаль, праект рэзалюцыі мы не можам назваць ні канструктыўным, ні аб'яднальным. Такія рэзалюцыі ствараюць атмасферу канфрантацыі. Дакумент, на наш погляд, носіць селектыўны, неаб'ектыўны і перадузяты характар, які цалкам ігнаруе ўсе пазітыўныя змены ў нашай краіне за апошнія гады.

Пірштук назваў прыкладам гэтага сам факт сесіі ПА АБСЕ ў Мінску. Ён таксама згадаў аб семінары па правах чалавека, які нядаўна прайшоў на палях сесіі Асамблеі, дзе апазіцыя, улада і грамадзянская супольнасць абмяркоўвалі якраз пытанні, вынесеныя ў рэзалюцыю.

- Дыялог можа быць прадоўжаны, і гэта было б больш карысным і эфектыўным, чым прыняцце падобнага роду рэзалюцый.

Дэпутат заклікаў калег па ПА АБСЕ прагаласаваць супраць шведскай рэзалюцы

Дэпутат Дзярждумы РФ Арцём Тураў назваў дакумент прадузятым і тэндэнцыйным, поўным «русафобскіх штампаў». Ён прапанаваў урадам Еўропы заняцца правамі чалавека ў сваіх краінах.

У слове ў адказ Крысціян Хольм заявіў, што ў яго рэзалюцыі няма ніякай русафобіі, ён добра ставіцца як да Расіі, Беларусі, так і да Азербайджана: «Я проста хачу, каб народы гэтых краін маглі выбіраць сваіх лідараў».

Па ходзе абмеркаванняў ў рэзалюцыю ўнеслі некалькі паправак, уключаючы асобную з крытыкай Расіі за парушэнні правоў прадстаўнікоў ЛГБТ-супольнасці ў Чачні.

Усе папраўкі, якія дэлегацыя Беларусі ўносіла, каб зняць крытычныя ў адносінах да Мінска пункты, камітэт ПА АБСЕ адхіліў.

10
бел / Адказаць
08.07.2017 / 15:01
Ого! Целую резолюцию приняли! И что нам даст эта резолюция??
1
AS/DS фарэвар / Адказаць
08.07.2017 / 16:17
хоць нешта прынялі. а як багна рассмярдзелася.
0
Юрась Беларус / Адказаць
08.07.2017 / 17:17
Хоць прызналі, што ў нас з правамі чалавека - справа проста швах. Але да справаў наўрад ці дойдзе, пакуль Лукашэнка будзе выконваць ролю пасярэдніка паміж Захадам і Усходам. Таму змагацца за свае правы давядзецца выключна нам самім.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру