08.07.2017 / 14:23

Святлана Зелянкоўская сышла з Купалаўскага тэатра 18

Фота Сяргея Балая

«На Купальле разьвітваюся са сваім Купалаўскім тэатрам», — напісала Сьвятлана Зелянкоўская ўчора ў фэйсбуку. Акторка, вядомая зь фільму «Анастасія Слуцкая», жонка Сяргея Міхалка, распавяла Свабодзе пра акалічнасьці сыходу з Купалаўскага.

— Скажыце, калі ласка, чаму вы вырашылі сысьці з тэатру?

— Я проста больш часу праводжу ва Ўкраіне, і па законе ня маю права працаваць у тэатры, калі знаходжуся за мяжой. У нас зараз жорсткія законы.

Праўда, я чатыры гады ўжо нічога ня грала. Я была ў дэкрэце. Так супала проста. У мяне зараз шмат здымак у кіно ва Ўкраіне.

Карацей, трэба тады ісьці ў беларускі тэатар і займацца тэатрам. Але тады я пазбаўлюся пражываньня ва Ўкраіне і здымкаў ва Ўкраіне, якіх у нас шмат.

— Купальскую ноч вы адмыслова выбралі, каб заявіць пра ваш сыход з Купалаўскага тэатру?

— Не, так супала. Можа ў гэтым ёсьць нейкая містыка. Як на Купальле праз вогнішча скочуць, так і я скокнула і ад тэатру ў кіно, зь Беларусі — ва Ўкраіну.

— Пакуль тэатрам вы займацца ня будзеце?

— Пагляджу па абставінах. Раз у мяне вызвалілася тэатральная ніша, можа, нешта знайду ў Кіеве, ва Ўкраіне.

— Але ў Беларусі дакладна працаваць ня будзеце?

— Пакуль не. Ёсьць размова, што буду прыяжджаць на адзін спэктакль па працоўнай дамове. Ня ў якасьці штатнага супрацоўніка, а як запрошаная акторка. Гэта будзе Купалаўскі тэатар. Адзіная роля, якая мне больш-менш цікавая — роля Франкі ў спэктаклі «Хам». Але пакуль я ня ўпэўненая ў гэтым. Гэта проста думкі.

У масавай свядомасці вы запомніліся роляй у фільме «Анастасія Слуцкая». Таксама ў фэйсбуку вы пазначылі, што выканалі 17 роляў у Купалаўскім тэатры. З чым вы сябе больш асацыюеце?

— Я бы не падзяляла. Я 20 гадоў працавала ў тэатры. Тры апошнія гады — у кіно. Ня буду я гэта падзяляць. Мне хочацца, каб у мяне засталася і тэатральная практыка, і кіношная. Буду спрабаваць спалучаць.

У сваім фэйсбуку Сьвятлана Зелянкоўская ўчора пералічыла ўсе 17 роляў, якія яна выконвала ў Нацыянальным акадэмічным тэатры імя Янкі Купалы.

37
Ахрэм / Адказаць
08.07.2017 / 15:51
Адчыняем сайт Беларусьфіьма і бачым, што патрабуюцца 3 кінамеханікі, у рабоце 4 праекты - 1 беларуска-расейскі серыял па кніжцы Чэргінца, 2 дакументальных фільма, 1 10-хвілінны мульцік пра танк, які уварваўся у акупаваны Мінск. Вось такое "культурнае жыцце" стварыла над улада Лукашэнкі. Той жа Міхалок скасіў бабла на свядомых і ім са Святланай хопіць. Тут пратэсты спалі, відаць, надоўга, а ва Ўкраіне майдан перамог і набірае абароты, там можна касіць яшчэ доўга.
43
Студэнт / Адказаць
08.07.2017 / 17:11
Другасная акторка. Хiба толькi няудалую ролю Анастасii Слуцкай узгадаю.
32
недизайнер / Адказаць
08.07.2017 / 17:40
А тут яшчэ муж-жартаўнік! То яму тое, а то яму раз - і гэтае. То ён бел-чырвона-белы, то раз і проста чырвоны. То тлусты, то худы-накачаны. Які рознабаковы мужчына. Што ж ён яшчэ прыдумае цікавага, піарыстага? Тут нехта пісаў - мо мэблю будзе рэкламаваць, як саладуха, не, думаю бяры вышэй...
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру