Учора, 7 ліпеня, Аляксей Навальны выйшаў на волю пасля 25 сутак арышту за акцыю 12 чэрвеня, фота Яўгена Фельдмана

У Маскве 8 ліпеня затрыманы 31 валанцёр маскоўскага штаба Аляксея Навальнага, якія ўдзельнічалі ў раздачы агітацыйных матэрыялаў. Пра гэта «Медуза» паведаміў кіраўнік штаба Мікалай Ляскін.

Карэспандэнт «Медузы» бачыў затрыманне двух актывістаў у раёне «Бібліятэкі імя Леніна» і яшчэ аднаго каля «Арбацкай». Паводле яго слоў, у станцый метро ў цэнтры горада дзяжураць паліцэйскія бронекамізэльках і стаяць аўтазакі.

8-9 ліпеня штабы ў падтрымку Аляксея Навальнага ў расійскіх горада праводзяць агітацыйную кампанію (так званы Вялікі суботнік). У Іркуцку былі затрыманыя чацвёра валанцёраў, іх абвінавачваюць у агітацыі па-за агітацыйным перыядам.

У многіх гарадах паліцыя ў некалькі дзён перад акцыяй канфіскавала ў актывістаў агітацыйныя матэрыялы. У шэрагу гарадоў паліцэйскія ладзілі ў штабах ператрусы з розных прычынаў, у іншых матэрыялы канфіскоўваліся ў аддзяленнях транспартнай кампаніі, паслугамі якой скарыстаўся штаб Навальнага для дастаўкі матэрыялы ў рэгіёны.

***

Апазіцыянер Аляксей Навальны абвясціў пра намер удзельнічаць у выбарах прэзідэнта Расіі ў 2018 годзе. У дадзены момант ён не можа быць зарэгістраваны кандыдатам з-за судзімасці па справе «Кіраўлеса», аднак Навальны кажа, што мае намер дамагчыся свайго ўдзелу.

Хочаш падзяліцца важнай інфармацыяй ананімна і канфідэнцыйна?