11.07.2017 / 17:03

Таленавіты мастак? Жыхар Мазыра адправіў у ДАІ «ліст з парнаграфічным малюнкам» у адказ на пратакол за парушэнне ПДР 17

У канцы сакавіка супрацоўнікі калінкавіцкага ДАІ спынілі 37-гадовага жыхара Мазыра, які ў стане алкагольнага ап'янення ішоў па праезнай частцы, пры гэтым без святлоадбівальнага элемента. Інспектары склалі на мужчыну пратакол за парушэнне ПДР і адпусцілі, паведамляецца на сайце УУС Гомельскага аблвыканкама.

Аднак штраф парушальнік плаціць і не збіраўся.

Атрымаўшы позву аб яўцы ў аддзел ДАІ Мазырскага райвыканкама, мужчына намаляваў на аркушы паперы «парнаграфічныя выявы» і, прышпіліўшы позву, адправіў ліст назад у ДАІ.

6 ліпеня ў дачыненні да мужчыны была распачатая крымінальная справа па ч. 1 арт. 343 (выраб і распаўсюджванне парнаграфічных матэрыялаў або прадметаў парнаграфічнага характару). Мужчына адпушчаны пад абавязацельства аб яўцы, яму можа пагражаць да 6 месяцаў арышту.

Сам ён растлумачыў, што быў вельмі злы на супрацоўнікаў за складзены на яго пратакол.

nn.by

2
Мik / Адказаць
10.07.2017 / 18:02
Быу злосны ...
1
mmm / Адказаць
10.07.2017 / 18:04
Бракуе беларусам крэатыўнаці. Трэба было болт намаляваць. І месадж данесены, і зачапіцца няма за што
1
Ахрэм / Адказаць
10.07.2017 / 19:03
Відаць нанёс непапраўную шкоду маральнаму і пісхалагічнаму стану "тэатралаў".
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру