24.08.2008 / 07:26

Рэкордная Алімпіяда. Выніковы залік мэдалёў 9

Бронзу заваявалі нашыя дзяўчаты ў групавых практыкаваньнях у мастацкай гімнастыцы. Такім чынам, вяртаемся ўжо з 19 мэдалямі. Вялікі посьпех нашых спартоўцаў.

Бронзу раніцай у нядзелю заваявалі нашыя дзяўчаты (Глафіра Марціновіч, Аліна Туміловіч, Ксенія Санковіч, Алеся Бабушкіна, Зінаіда Луніна, Насьця Іванькова) у групавых практыкаваньнях: са скакалкамі, а таксама з трыма абручамі і двума булавамі.

Учора, нагадаем, срэбра ў індывідуальным першынстве заваявала Іна Жукава.

Іх вынік -- 34 900, у Расеі -- золата (35 550), у Кітая -- срэбра (35 225)

* * *

Такім чынам вяртаемся з Пэкіну з 19 мэдалямі. Вялікі посьпех нашых спартоўцаў, якія насуперак усім пэсымістычным прагнозам даказалі, што яны найлепшыя і могуць змагацца.

У нас чатыры залатыя мэдалі, больш чым на папярэдніх трох Алімпіядах. Алімпійскімі чэмпіянамі сталі: Андрэй Арамнаў - цяжкая атлетыка, Аксана Мянькова - молат, Андрэй і Аляксандар Багдановічы - каноэ-двойка на дыстанцыі 1000 м, Раман Петрушэнка, Аляксей Абалмасаў, Артур Літвінчук, Вадзім Махнеў - байдарка-чацьвёрка на 1000 м.

пяць срэбных мэдалёў (Вадзім Дзевятоўскі - молат, Андрэй Краўчанка - дзесяцібор'е, Андрэй Рыбакоў – цяжкая атлетыка, Натальля Міхневіч – ядро, Іна Жукава -- мастацкая гімнастыка);

дзесяць бронзаў (Кацярына Карстэн, Юлія Бічык / Натальля Гелах – веславаньне, Настасься Новікава – цяжкая атлетыка, Міхаіл Сямёнаў – грэка-рымская барацьба, Андрэй Міхневіч – ядро, Надзея Астапчук – ядро, Іван Ціхан – молат, Мурад Гайдараў - вольная барацьба, Раман Петрушэнка і Вадзім Махнеў - байдарка-двойка на 500 м, а таксама зборная па мастацкай гімнастыцы).

Гэта найлепшы вынік беларускай зборнай за часы выступленьня асобнай камандай. У Атлянце ў 1996 г. у нас было 15 мэдалёў (1, 6, 8), у Сіднеі - 17 (3, 3, 11), у Афінах - 15 (2, 6, 7). На Алімпіядзе ў Барсэлёне ў 1992 г. беларусы выступалі ў складзе аб'яднанай каманды СНД і заваявалі 22 мэдалі (13, 4, 5), прычым шэсьць залатых мэдалёў узяў Віталь Шчэрба.

Алімпіяда завершана

Выніковы залік мэдалёў (па агульнай колькасьці)

ЗША 36 38 36 (110)

Кітай 51 21 28 (100)

Расея 23 21 28 (72)

Брытанія 19 13 15 (47)

Аўстралія 14 15 17 (46)

Нямеччына 16 10 15 (41)

Францыя 7 16 17 (40)

Карэя 13 10 8 (31)

Італія 8 10 10 (28)

Украіна 7 5 15 (27)

Японія 9 6 10 (25)

Куба 2 11 11 (24)

Беларусь 4 5 10 (19)

Гішпанія 5 10 3 (18)

Канада 3 9 6 (18)

Нідэрлянды 7 5 4 (16)

Бразылія 3 4 8 (15)

Кенія 5 5 4 (14)

Казахстан 2 4 7 (13)

Ямайка 6 3 2 (11)

Польшча 3 6 1 (10)

Вугоршчына 3 5 2 (10)

Нарвэгія 3 5 2 (10)

Новая Зэляндыя 3 1 5 (9)

Румынія 4 1 3 (8)

Турцыя 1 4 3 (8)

Эфіёпія 4 1 2 (7)

Данія 2 2 3 (7)

Азэрбайджан 1 2 4 (7)

Чэхія 3 3 0 (6)

Славаччына 3 2 1 (6)

Грузія 3 0 3 (6)

КНДР 2 1 3 (6)

Швайцарыя 2 0 4 (6)

Аргентына 2 0 4 (6)

Узбэкістан 1 2 3 (6)

Арменія 0 0 6 (6)

Славенія 1 2 2 (5)

Інданэзія 1 1 3 (5)

Баўгарыя 1 1 3 (5)

Швэцыя 0 4 1 (5)

Харватыя 0 2 3 (5)

Літва 0 2 3 (5)

...

Латвія 1 1 1 (3)

...

Эстонія 1 1 0 (2)

...

Малдова 0 0 1 (1)

Ул. інф.

0
bL8dy_R8ts / Адказаць
24.08.2008 / 09:01
Чаму "барсэлёна" з малой літары?
0
янка-спадар / Адказаць
24.08.2008 / 18:01
чаму ў Нашай Ніве ўсё не як у людзей? Усе лічаць па залатых - вы лічыце па агульнай колькасці.Мда Рэд. Мы лічым па агульнай колькасьці, бо такі падлік справядлівейшы, ацэньвае высілак усіх алімпійцаў. Дарэчы, амэрыканцы традыцыйна таксама лічаць па ўсіх.
0
sid / Адказаць
25.08.2008 / 00:01
І правільна НН робіць, што лічыць менавіта так.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру