11.07.2017 / 14:46

Мінгандлю хоча вярнуць інтэрнэт-крамам «спрашчонку», якую само ж і забараніла 8

Міністэрства антыманапольнага рэгулявання і гандлю хоча вярнуць інтэрнэт-крамам магчымасць плаціць падаткі па спрошчанай сістэме. Пра гэта піша «Ежедневник».

«МАРГ прапануе адмяніць забарону на прымяненне спрошчанай сістэмы падаткаабкладання для інтэрнэт-крамаў, — цытуе выданне начальніка ўпраўлення арганізацыі гандлю і паслуг МАРГ Віялету Бразоўскую. — Гэта прапанова вылучана з улікам таго, што 50% інтэрнэт-крамаў належаць індывідуальным прадпрымальнікам. А спрошчаная сістэма падаткаабкладання карыстаецца найбольшым попытам менавіта ў гэтай катэгорыі суб'ектаў».

Варта адзначыць, што забарона на ўжыванне ССП для інтэрнэт-крамаў была ўведзеная ўсяго паўтара гады таму — з 1 студзеня 2016 года. Тады гэта прадстаўлялі як панацэю ад «шэрага» тавараабароту, якога ў інтэрнэт-крамах быццам бы вельмі шмат. 

Аднак, як паказаў час, «шэрым» гульцам рынка забарона нічым не перашкодзіла. А вось прадаўцам легальнага тавару яна сур'ёзна ўскладніла жыццё. Нават Віялета Бразоўская прызнала, што забарона абцяжарыла бізнес-працэсы для інтэрнэт-крамаў.

0
1 / Адказаць
11.07.2017 / 15:22
Пакуль пару-тройку адказных за прыняцце рашэння галоваў на плот не вывесяць, веры няма.
0
Джон Жарптушкін / Адказаць
11.07.2017 / 16:55
Якія ж яны недавумкі!
0
Ў Hrodna / Адказаць
11.07.2017 / 19:38
Няўжо, не прайшло і 1,5 гады.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру