11.07.2017 / 14:49

Лукашэнка: Беларуская ініцыятыва «Хельсінкі-2» адлюстроўвае занепакоенасць негатыўнымі тэндэнцыямі ў рэгіянальных працэсах 3

Беларуская ініцыятыва «Хельсінкі-2» адлюстроўвае занепакоенасць негатыўнымі тэндэнцыямі развіцця рэгіянальных працэсаў. Аб гэтым Аляксандр Лукашэнка заявіў сёння на нарадзе па прыярытэтах замежнай палітыкі Беларусі на сучасным этапе.

«Гэты крок не трэба ўспрымаць як нейкую гучную міжнародную ініцыятыву дзеля ініцыятывы. Ён у першую чаргу адлюстроўвае нашу ацэнку і занепакоенасць негатыўнымі тэндэнцыямі развіцця рэгіянальных працэсаў», - падкрэсліў беларускі лідар.

Паводле слоў Аляксандра Лукашэнкі, правядзенне ў Мінску 26-й штогадовай сесіі Парламенцкай асамблеі АБСЕ стала адным з відавочных сведчанняў прызнання новай ролі Беларусі. Краіна ўпершыню прымала такі маштабны палітычны міжнародны форум. «Важна і тое, што перад удзельнікамі сесіі беларускім бокам была вылучана ідэя запуску новага Хельсінкскага працэсу - шырокамаштабнага дыялогу паміж Усходам і Захадам, накіраванага на пераадоленне існуючых супярэчнасцей паміж дзяржавамі на прасторы Еўразійскага рэгіёна», - адзначыў кіраўнік дзяржавы.

Кіраўнік краіны таксама папрасіў не забываць і максімальна актыўна папулярызаваць беларускую ідэю супрацоўніцтва паміж рознымі інтэграцыйнымі аб'яднаннямі, не ўпускаючы і кітайскі складнік. Гэта ініцыятыва карысна як для Беларусі, так і для Расіі, краін Захаду і Усходу. «Я чакаю ад Міністэрства замежных спраў глыбокага аналізу сусветных працэсаў, што адбываюцца, і канкрэтных ініцыятыў, накіраваных на ўмацаванне бяспекі ў рэгіёне і павышэнне аўтарытэту Беларусі на міжнароднай арэне. Нас павінны бачыць. І пазіцыю нашай краіны абавязаны ўлічваць», - дадаў Аляксандр Лукашэнка.

0
Правакацыя "Захад-2017" / Адказаць
11.07.2017 / 14:58
Чаго? Сыходзь!
0
ха-ха! / Адказаць
11.07.2017 / 15:26
Заводы -фабрыкі "запусціў", цяпер запускае ініцыятывы.
0
Одна трасянка и больше НИ-ЧЕ-ГО... / Адказаць
11.07.2017 / 16:54
Интересно, а где, в этих "противоречиях", интересы твоей семьи, о Беларуси, скромно промолчим ???
Каб пакінуць каментар, калі ласка, актывуйце JavaScript у наладах свайго браўзеру