11.07.2017 / 18:48

«Вырвалі з кантэксту». Матолька атрымаў адказ з Мінабароны на скаргу пра «нашчадкаў Кубэ» 62

Блогер Антон Матолька атрымаў адказ зь Міністэрства абароны наконт заяваў прэсавага сакратара Ўладзімера Макарава, зробленых незадоўга да параду на афіцыйны Дзень незалежнасьці 3 ліпеня.

Уладзімер Макараў

У сваім звароце Матолька нагадаў, што пасьля інцыдэнту з танкам, які падчас рэпэтыцыі на вялікай хуткасьці страціў кіраваньне і зьнёс слуп на сталічным праспэкце Незалежнасьці, у інтэрнэце пачаўся збор подпісаў супраць правядзеньня вайсковага параду ці за тое, каб вынесьці яго за межы гораду. За гэта на той момант выказаліся больш за 3500 чалавек.

Па гарачых сьлядах у прадстаўніка Міністэрства абароны палкоўніка Ўладзімера Макарава журналісты спыталі, ці зьбіраецца Мінабароны прыслухацца да гэтых людзей. На гэта прэсавы сакратар адказаў:

«Вайсковыя парады ў Дзень незалежнасьці праводзяцца і будуць праводзіцца надалей. Але гэтае сьвята ня стала сьвятам беларускіх радыкалаў, тых, хто ёсьць ідэйнымі нашчадкамі Вільгельма фон Кубэ».

У гэтым зьвязку Антона Матольку цікавіла: ці гэта пазыцыя Міністэрства абароны, ці асабістая думка прэсавага сакратара?

У адказе зь ведамства, пад якім паставіў подпіс начальнік упраўленьня маральна-псыхалягічнага забесьпячэньня галоўнага ўпраўленьня ідэалягічнай працы палкоўнік Касінскі, паведамляецца, што зварот разгледжаны, дэталёва вывучаны аўдыёзапіс матэрыялаў прэс-канфэрэнцыі.

Па яго словах, экспэртыза паказала, што з кантэксту выступу палкоўніка Макарава «некаторымі СМІ вырваны асобныя фрагмэнты, якія вольна інтэрпрэтаваныя адпаведнымі аўтарамі».

«Прыведзеныя тэзісы не раскрываюць усе аспэкты адказу на пытаньне журналіста, таму прапаную азнаёміцца з разьмешчаным на інтэрнэт-партале Мінабароны 29 чэрвеня матэрыялам пад назвай «Інфармацыйныя акцыі, разгорнутыя «незалежнымі СМІ», паказалі самае галоўнае — грамадзяне нашай краіны, у тым ліку тыя, хто мае ўласную думку наконт правядзеньня парадаў войскаў, былі і застаюцца патрыётамі сваёй краіны і ў прынцыпе не прымаюць ідэі радыкалаў», — падсумаваў Касінскі.

Такім чынам, уцямнага адказу на сваё пытаньне Матолька так і не атрымаў, а ідэоляг Касінскі фактычна прадубляваў тэкст Макарава, зьмешчаны на сайце абароннага ведамства. А таму будзе зварот у пракуратуру, сказаў Матолька Свабодзе:

«Ліст быў на імя міністра, адпаведна, незразумела, чаму адказ на такім узроўні. Бо фактычна ліст ні пра што. Таму, як мінімум, будзе накіраваны ліст у пракуратуру за парушэньне закону аб зваротах грамадзян — гэта і парушэньне формы, і адказ не па сутнасьці, і г.д. Зрэшты, гэта ж Міністэрства абароны, яны апошнім часам аргумэнтавана адказваць ня могуць. Або ня хочуць».

1
Верны / Адказаць
11.07.2017 / 19:14
Ідзіолагі Міністэрства абароны. Ісказілі ісьціну. Кубэ очынь любіў ваеныя парады. І Русскій трыкалёр. За гэта яго ўбілі. Вось для маладзёжы з пратаколу дапросу: "...Лазарев, белоэмигрант, создал Русский Союз Молодежи, молодежь перешла из СС к нему. В 1943-м на параде в Минске по случаю годовщины освобождения это подразделение прошло под трехцветным российским флагом".  Крыніца: Harvard University. Russian Research Center. Harvard Project on the Soviet Social System Digital Collection: Interviews and Manuals: A Finding Aid
1
а то! / Адказаць
11.07.2017 / 19:16
"Зрэшты, гэта ж Міністэрства абароны, яны апошнім часам аргумэнтавана адказваць ня могуць. Або ня хочуць".

Разумеется, правильно тут сказать: не могут! Точнее, хотят, но не могут в силу по-военному скроенных мозгов и того обстоятельства, что "своих не сдаем - мы с ними побеждаем".
0
Павел Ас / Адказаць
11.07.2017 / 19:16
«Інфармацыйныя акцыі, разгорнутыя «незалежнымі СМІ», паказалі самае галоўнае — грамадзяне нашай краіны, у тым ліку тыя, хто мае ўласную думку наконт правядзеньня парадаў войскаў, былі і застаюцца патрыётамі сваёй краіны і ў прынцыпе не прымаюць ідэі радыкалаў», — падсумаваў Касінскі. Я так разумею таварыш Каснік удакладніл, што прыхільнікі фон Кубэ з'яўляюцца САПРАЎДНЫМІ патрыетамі сваей краіны????? Нешта я заблытался :(
Паказаць усе каментары/ 62 /
Каб пакінуць каментар, калі ласка, актывуйце JavaScript у наладах свайго браўзеру