14.07.2017 / 14:19

У Аршанскім раёне загінуў рабочы лясгаса

Аршанскі міжраённы аддзел Следчага камітэта праводзіць праверку па факце гібелі рабочага лясгаса, паведамілі ў аддзеле інфармацыі і сувязі з грамадскасцю Следчага камітэта.

Папярэдне ўстаноўлена, што 7 ліпеня 33-гадовы рабочы прыступіў да валцы лесу на тэрыторыі копыскага лясніцтва. Прыкладна ў 15.00 на мужчыну ўпала елка, якую ён пілаваў. Мужчына загінуў на месцы здарэння.

Следчыя правялі агляд месца здарэння. Канфіскавана дакументацыя, якая рэгламентуе парадак правядзення работ. Прызначана судова-медыцынская экспертыза, высвятляюцца іншыя абставіны трагедыі.

Каб пакінуць каментар, калі ласка, актывуйце JavaScript у наладах свайго браўзеру