14.07.2017 / 18:40

У Іспаніі зафіксаваны новы тэмпературны рэкорд 4

У Іспаніі ўстаноўлены новы тэмпературны рэкорд, паведамляюць інфармагенцтвы са спасылкай на Дзяржаўнае метэаралагічнае агенцтва краіны.

Кордава, фота theroamingboomers.com

Паводле даных метэаролагаў, у Кордаве была зафіксаваная тэмпература 46,9 градуса. Гэты паказчык на 0,3 градуса вышэйшы за рэкорд, які быў усталяваны таксама ў гэтым горадзе ў ліпені 1995 года. У Бадахосе слупкі тэрмометраў дасягнулі адзнакі плюс 45,4.

Напярэдадні, 13 ліпеня, метэаролагі абвясцілі трывогу ў 27 правінцыях Іспаніі з-за моцнай спякоты. Пры гэтым спецыялісты кажуць, што да 16 ліпеня сітуацыя палепшыцца.

Раней Дзяржаўнае метэаралагічнае агенцтва паведамляла, што летам 2017 года ў Іспаніі будзе гарачэй, чым звычайна. Усе тры месяцы жыхароў краіны чакае тэмпература, якая будзе вышэйшая за сярэднія летнія паказчыкі.

1
le mantar / Адказаць
14.07.2017 / 18:42
Ой, ну нафіг, лепш такое лета, як у нас сёлета. Нашмат лепш!
1
Scooter / Адказаць
14.07.2017 / 19:22
Добра што хоць у нас сяголята нармальная, а ні афрыканская, тэмпература, і дажджы ёсьць!!!
0
Прыазерск-4 / Адказаць
14.07.2017 / 22:12
У Казахстане служыу,пустыня Бетпак-дала, у кабiне Ту-16 тэрмометр паказвау +53°С i не аднойчы,а кожны дзень улетку,ды бяз ветра;у зимку ж -35°С бывала i з ветрам...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру