14.07.2017 / 21:21

Польшча адказала на пагрозы ЕС аб санкцыях з-за адмовы прымаць мігрантаў 16

Польшча паслядоўна выступае супраць абавязковых квот на размеркаванне мігрантаў па краінах Еўрасаюза.

PAP

Міністр унутраных спраў і адміністрацыі Марыюш Блашчак заявіў, што Польшча патрабуе прыпынення Еўракамісіяй санкцыйнай працэдуры ў сувязі з адмовай ператвараць у жыццё рашэнні аб кватаванні мігрантаў і бежанцаў. Кіраўнік унутрыпалітычнага ведамства звярнуў увагу, што механізм кватавання мігрантаў з'яўляецца неэфектыўным, а акрамя таго, пагаршае бяспеку краін ЕС. Польшча накіравала ў Брусель ліст у адказ на прэтэнзіі Еўракамісіі па пытанні перасялення бежанцаў.

«Гэты механізм стымулюе наплыў у Еўропу чарговых хваль нелегальных мігрантаў. Ён не ўжываецца цэлым шэрагам краін-сяброў ЕС. Паводле апошніх даных, краіны ЕС прынялі да гэтага часу толькі 14% ад агульнай колькасці 160 тыс. мігрантаў з Афрыкі і Блізкага Усходу ў рамках механізму кватавання. Бяспека польскіх грамадзян з'яўляецца галоўным прыярытэтам польскага ўрада», — адзначыў на прэс-канферэнцыі ў Варшаве міністр Марыюш Блашчак.

Нагадаем, 14 чэрвеня ЕК запусціла кантрольную працэдуру супраць Польшчы, Чэхіі і Венгрыі ў сувязі з адмовай прымаць бежанцаў. У выніку дадзеная працэдура можа прывесці да санкцый супраць трох краін.

nn.by

21
Running / Адказаць
14.07.2017 / 21:34
А яны яшчэ кажуць, што гэта мы расiсты.
7
le mantar / Адказаць
14.07.2017 / 21:51
Так трымаць, палякі!
7
Арсения / Адказаць
14.07.2017 / 22:07
Малайцы палякi!
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру