15.07.2017 / 15:54

Святлодыёдныя вейкі з'явяцца ў продажы ў наступным годзе 3

Незвычайны аксэсуар можна будзе наклейваць на павекі пры дапамозе адмысловага клею. Кантролер і акумулятар для іх працы будуць схаваныя ў валасах (таму ўладальнікі не занадта густой шавялюры будуць хадзіць з галавой, аблытанай правадамі).

Упершыню LED-вейкі прадэманстравалі ў Сан-Францыска. Іх аўтарам лічыцца дызайнер Цьен Фам. Прасачыўшы за станоўчай рэакцыяй гледачоў, ён вырашыў арганізаваць збор сродкаў праз Kickstarter. Стартап ужо прыцягнуў 120 000 даляраў, замест запланаваных 40.

F. lashes уяўляюць з сябе малюсенькія палоскі святлодыёдаў, якія мацуюцца па-над вейкамі. Адзіным іх недахопам з'яўляецца грувасткі акумулятар і кантролер. Святлодыёды пакуль маюць сем колераў і могуць пульсаваць у некалькіх рэжымах.

Арыенціровачны кошт моднага набору складзе 40 даляраў. Не выключана, што ўжо да канца наступнага года мы ўбачым накладны бліскучы макіяж на сусветных подыумах.

nn.by

0
Satan / Адказаць
15.07.2017 / 19:52
А святлодыёдныя яйки кали? Каб у цемры бачыць пад нагами.
0
Ахрэм / Адказаць
16.07.2017 / 14:54
А на азадак стоп-сігнал ?
0
Справядлівасць / Адказаць
16.07.2017 / 15:21
$120 000, каб наклеіць шэраг дыёдаў на штучныя вейкі і вывесці дрот да акамулятара?
Каб пакінуць каментар, калі ласка, актывуйце JavaScript у наладах свайго браўзеру