17.07.2017 / 17:55

У Кітаі забаранілі ўзгадваць Віня-Пыха. Чаму? 8

Кітайскі сэрвіс мікраблогаў Sina Weibo забараніў згадваць у пастах карыстальнікаў кітайскае імя Віня-Пыха, паведамляе Financial Times.

Як адзначае выданне, на выходных пасты са згадваннем імя мядзведзіка з кніг англійскага пісьменніка Алана Мілна «падвергліся цэнзуры» з боку адміністрацыі сацыяльнай сеткі.

Пры спробе размясціць паведамленні з імем Віня-Пыха на экране з'яўлялася фраза «нелегальны кантэнт», хоць некаторым карыстальнікам атрымоўвалася абыйсці гэтую забарону. Акрамя таго, некалькі GIF-малюнкаў з Віня-Пыхам выдалілі з кітайскага сэрвісу абмену паведамленнямі WeChat.

Прадстаўнікі Sina Weibo не каментуюць гэтую інфармацыю. Афіцыйна ўлады Кітая таксама не паведамлялі аб новых мерах рэгулявання ў інтэрнэце. Назіральнікі, апытаныя выданнем, мяркуюць, што забарона на згадванне Віня-Пыха звязана з тым, што раней карыстальнікі часта параўноўвалі гэтага персанажа с кіраўніком Кітая Сі Цзіньпінам.

nn.by

0
М113 / Адказаць
17.07.2017 / 18:19
>Віня-Пых
Дык вось ён які, маскот кампаніі за легалізацыю травы.
0
Ясь / Адказаць
17.07.2017 / 18:20
А у Беларусі, кажуць, забаранілі здымаць мультфільм паводле дзіцячае казкі ”Горе луковое”!  :-) :-) :-)
0
Ахрэм / Адказаць
17.07.2017 / 19:54
Ясь, затое Чыпаліна ніхто не забараняў.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру