20.07.2017 / 15:20

35-гадовая французская спявачка памерла падчас свайго выступу ў царкве 8

Французская спявачка Барбара Велдэнс памерла ва ўзросце 35 гадоў падчас выступу ў царкве вёскі Гурдон у Правансе. Пра гэта паведамляе радыёстанцыя «Europe 1» са спасылкай на мясцовую паліцыю.

Дакладная прычына смерці невядомая, але, паводле папярэдняй версіі, вакалістка памерла ад спынення сэрца, якое адбылося з-за ўдару токам. Паліцыя расследуе абставіны здарэння.

Велдэнс выступала з канцэртам у рамках фестывалю імя барда Лео Ферэ.

У лютым выйшаў яе дэбютны альбом Le grand H de l'homme. У 2016 годзе Барбара Велдэнс атрымала прыз глядацкіх сімпатый Акадэміі Шарля Кро, перамагла ў конкурсе маладых талентаў музычнага фестывалю Жака Брэля.

15
хамса / Адказаць
20.07.2017 / 15:53
>з-за ўдару токам.
мяне бацькі бралі на працу ад нараджэння - не хацелі аддаваць у саўковы садок.. і там я гралася з жалезкамі.. пакуль не сунула адну з іх у шчыток.. 380V.. о, я памятаю гэты феерверк) мне было два гадкі.. і чаго ж я не здохла тады, га, недызайнер (і-беня))?)
бога няма?))
1
Ken / Адказаць
20.07.2017 / 16:35
Езус узяў у Сваё Валадарства..
0
Джон Жарптушкін / Адказаць
20.07.2017 / 16:50
хамса, таму Вы такая дзёрзкая, што не хадзілі ў саўковы садок? 
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру