20.07.2017 / 18:53

Германія абвясціла аб змене курсу ў адносінах з Турцыяй 5

У сувязі з арыштамі нямецкіх журналістаў і праваабаронцаў міністр замежных спраў Германіі Зігмар Габрыэль абвясціў аб змене знешнепалітычнага курсу ФРГ у дачыненні да Турцыі, паведамляе DW.

Па словах міністра, будуць перагледжаныя ўмовы, на якіх Германія прадастаўляе Турцыі інвестыцыйныя крэдыты і эканамічную дапамогу, напрыклад, у якасці дзяржаўных гарантый пад крэдыты. Таксама варта перагледзець прадастаўленне дапамогі Еўрасаюза ў рамках падрыхтоўкі Турцыі да ўступлення ў ЕС, сказаў Габрыэль. Акрамя гэтага, МЗС Германіі робіць больш жорсткімі свае рэкамендацыі аб бяспецы для грамадзян ФРГ, якія жадаюць наведаць Турцыю.

Адносіны з Турцыяй «немагчыма развіваць як раней», заявіў Габрыэль. Па яго словах, на кожнае новае абвастрэнне з боку Анкары ўрад Германіі імкнуўся рэагаваць спакойна ў надзеі, што турэцкія ўлады пачнуць дзейнічаць разумна. І кожны раз у Берліне былі «расчараваныя».

Габрыэль нагадаў пра нядаўні арышт у Стамбуле немца Петэра Штойтнера і яшчэ пяці праваабаронцаў, якіх турэцкія ўлады абвінавачваюць у падтрымцы тэрарыстычнай арганізацыі. Некалькі месяцаў таму па такім жа абвінавачанні ў Турцыі быў арыштаваны карэспандэнт нямецкага выдання Die Welt Дэніз Юджэл, які да гэтага часу знаходзіцца ў зняволенні.

Друкуецца ў межах спецыяльнай рубрыкі «Навіны Германіі»

nn.by

0
1514 / Адказаць
20.07.2017 / 22:18
Полупомешанные всегда воспринимают терпеливость и спокойствие как слабость...
0
М113 / Адказаць
20.07.2017 / 23:22
Назад на дрэва. Бачна, ў каго вучыўся Эрдаган.
1
Григорий Федорович Конин / Адказаць
21.07.2017 / 00:45
А недавно турция собиралась покупать с-400. Совпадение? Не думаю!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру