Намеснік прэм’ер-міністра Уладзімір Сямашка даў інтэрв’ю тэлеканалу АНТ з нагоды візіту Аляксандра Лукашэнкі, а таксама іншых чыноўнікаў ва Украіну.
Вядучы «Контураў» Ілля Коласаў спытаўся ў Сямашкі, што з’яўляецца тым фундаментам, якія забяспечвае «спакойнае развіццё дзвюх краін».
«Мы эканомікі, якія ўзаемна дапаўняць адна адну. І, як казаў прэзідэнт, мы па-сутнасці адзін народ па сваёй гісторыі. Нам лёгка размаўляць адно з адным, у нас агульная мова, агульная ментальнасць. Агульнае бачанне. Можа быць мы сёння крышачку разышліся: у іх рыначная больш эканоміка, у нас — дзяржаўнае рэгуляванне», — сказаў віцэ-прэм’ер.
Уладзіміру Сямашку 67 гадоў, ён родам з Калінкавіч Гомельскай вобласці. Ад 2003 — намеснік прэм’ер-міністра. Ад 2003 да 2014 — першы віцэ-прэм’ер.
