24.07.2017 / 23:00

ПАСЕ асудзіла два новыя смяротныя прысуды ў Беларусі 6

Парламенцкая асамблея Савета Еўропы асудзіла вынясенне двух новых смяротных прысудаў у Беларусі. «Прыйшоў час спыніць гэта», — гаворыцца ў сумеснай заяве спецдакладчыкаў ПАСЕ па адмене смяротнага пакарання Іва Круштана і па сітуацыі ў Беларусі Андрэа Рыгоні.

«Парламенцкая асамблея зноў і зноў пацвярджае сваё абсалютнае непрыняцце смяротнага пакарання, якое разглядае як акт катаванняў і бесчалавечнага, зневажальнага годнасць абыходжання і, бясспрэчна, як самае сур'ёзнае з усіх парушэнняў правоў чалавека», — сказана ў заяве.

«Мы яшчэ раз заклікаем беларускія ўлады далучыцца да еўрапейскай сям'і абаліцыяністаў, увёўшы ў тэрміновым парадку мараторый на смяротнае пакаранне. Нішто ў Канстытуцыі ці заканадаўстве Беларусі не перашкаджае прэзідэнту Лукашэнку ці парламенту зрабіць гэты крок», —цытуе заяву TUT.by.

21 ліпеня ў Магілёве былі асуджаныя на расстрэл двое «чорных рыэлтараў»: Ігар Гершанкоў і Сямён Беражны. Яшчэ два фігуранта справы атрымалі доўгія тэрміны зняволення: Таццяна Гершанкова — 24 гады, Барыс Калеснікаў — 22 гады і 1 месяц.

У той жа дзень з заклікам увесці мараторый на смяротнае пакаранне ў Беларусі выступілі генеральны сакратар Савета Еўропы Турб'ёрн Ягланд і прэс-сакратар Еўрапейскай службы знешніх дзеянняў Мая Качыянчыч.

Беларусь застаецца адзінай еўрапейскай краінай, якая ўжывае смяротнае пакаранне, але не гатовая мяняць сваё заканадаўства. Аргументуючы гэта ўдзельнікам сесіі Парламенцкай асамблеі АБСЕ, Аляксандр Лукашэнка спасылаецца на вынікі рэферэндума 20-гадовай даўніны: «Нас заклікаюць да адмены смяротнага пакарання. Мы гэтыя прапановы чуем, і не толькі чуем. Але супраць волі народа, пераважная частка якога на рэферэндуме выказалася за яго захаванне, ні адна дзяржава пайсці не можа. Ні адна цывілізаванае еўрапейская дзяржава».

1
Дмитрий / Адказаць
24.07.2017 / 23:14
Пусть осуждают приговор Брейвику, который оскорбил даже Брейвика. Клоуны... 
1
Цынік / Адказаць
25.07.2017 / 06:29
Асабліва ўдзячныя ПАСЕ за гэту заяву сваякі загінулых ад рук "чорных рыэлтараў"...
1
Вот / Адказаць
25.07.2017 / 06:52
Отправляйте саои протесты в США!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру