Сусьветнай прэм’ерай братоў Коэнаў «Спаліць пасьля прачытаньня» адкрываецца сёньня ў Вэнэцыі 65‑ты Міжнародны кінафэстываль.
Разам з аўтарамі карціны на выспу Лідо прыехалі і выканаўцы галоўных роляў: Джордж Клуні, Брэд Піт і Цільда Суінтан.
Да Вэнэцыянскага фэстывалю прыкута ўвага ня толькі рэжысёраў Галівуду, але й вядомых рэжысёраў Азіі. Тры японскія фільмы прадстаўленыя на конкурс — апошнія карціны Такешы Кітана і Хаяо Міязакі.
Крытыкі не выключаюць, што чацьверты раз запар Залаты Леў можа зьехаць у Азію.
Сустракаюць гасьцей мастацкі кіраўнік найстарэйшага кінафоруму Марка Мюлер, чалец журы Валерыя Галіна і вядучая цырымоніі адкрыцьця расейская акторка Ксенія Рапапорт.
Сусьветныя знакамітасьці прыбываюць на кацерах. Прыкладам, зь дзецьмі прыехаў Брэд Піт.
Усяго ў конкурснай праграме — 21 фільм. Італія будзе змагацца за галоўны прыз, прадставіўшы 4 карціны.
Завершыцца кінафэстываль 6 верасьня
