26.07.2017 / 23:04

ЕС непакоіцца, што антырасійскія санкцыі ЗША перашкодзяць Еўропе атрымліваць расійскі газ 6

Еўрасаюз занепакоены намерамі ЗША ўвесці новыя санкцыі супраць Расіі, баючыся, што яны могуць пашкодзіць энергетычным кампаніям.

Еўракамісія забіла трывогу пасля таго, як Палата прадстаўнікоў амерыканскага Кангрэса падтрымала новыя антырасейскія санкцыі — нягледзячы на супраціў адміністрацыі Трампа.

Новыя санкцыі плануюць увесці ў адказ на магчымае ўмяшанне Расіі ў амерыканскія выбары ў 2016 годзе.

Прэзідэнт Еўракамісіі Жан-Клод Юнкер заявіў, што «ЕС цалкам прыхільны да рэжыму санкцый супраць Расіі», аднак асцерагаецца «непрадказальных аднабаковых наступстваў, якія паўплываюць на еўрапейскія інтарэсы ў сферы энергетычнай бяспекі».

Занепакоенасць выказалі і некаторыя краіны ЕС, у прыватнасці Германія. Там асцерагаюцца, што амерыканскія санкцыі могуць перашкодзіць развіццю сістэмы трубаправодаў, якія пастаўляюць расійскі газ у Еўропу - напрыклад, абмежаваўшы доступ гэтых кампаній да амерыканскіх банкаў.

Пакуль ЕС выказвае сваю занепакоенасць па дыпламатычных каналах. Аднак спадар Юнкер заявіў, што калі іх на гэтым этапе не прымуць да ўвагі, ЕС «гатовы дзейнічаць належным чынам»

«Тое, што «Амерыка першая», не павінна азначаць, што інтарэсы Еўропы павінны быць у канцы», - дадаў прэзідэнт Еўракамісіі.

Што прадугледжваюць новыя санкцыі?

Спікер Палаты прадстаўнікоў Пол Раян назваў законапраект, які падтрымалі 419 кангрэсменаў, пакетам санкцый, які «закручвае гайкі нашым самым небяспечным праціўнікам для бяспекі амерыканцаў».

Акрамя Расіі, ён таксама накладвае абмежавальныя меры на Іран і Паўночную Карэю.

Калі законапраект прымуць, то ён:

Будзе штрафаваць кампаніі, у тым ліку еўрапейскія, якія працуюць у сферы развіцця расійскай энергетыкі, у прыватнасці праекту «Паўночны паток-2» з Расеі ў Нямеччыну.

Паменшыць тэрміны прадастаўлення пазык расійскім банкам і нафтавым і газавым кампаніям з боку амерыканскіх банкаў.

Замарозіць актывы расійскіх дзяржаўных горназдабыўных і чыгуначных кампаній.

Забярэ ў прэзідэнта Дональда Трампа магчымасць аднаасобна аслабіць санкцыі - для гэтага, згодна з новым дакументам, яму прыйдзецца кансультавацца з Кангрэсам.

У адміністрацыі Трампа занепакоеныя гэтым. Да гэтага часу традыцыйна прэзідэнт ЗША меў права бесперашкодна здымаць любыя абмежавальныя меры.

Законапраекту ўсё яшчэ трэба будзе прайсці праз галасаванне ў Сенаце, дзе большасць належыць рэспубліканцам — толькі пасля гэтага яго накіруюць на подпіс да прэзідэнта. У яго таксама ёсць права накласці на яго вета.

За апошнія шэсць месяцаў прэзідэнцтва Дональда Трампа адносіны паміж ЗША і Расеяй абвастрыліся. У тым ліку на фоне абвінавачванняў ва ўмяшанні Расіі ў амерыканскія выбары з мэтай дапамагчы Трампу сесці ў прэзідэнцкае крэсла.

ЗША раней, яшчэ пры прэзідэнцтве Барака Абамы, ужо ўвялі шэраг санкцый супраць Расіі з-за анэксіі Крыма. Акрамя таго, у снежні, неўзабаве пасля прэзідэнцкіх выбараў, Абама выслаў з ЗША 35 расійскіх дыпламатаў.

Хочаш падзяліцца важнай інфармацыяй ананімна і канфідэнцыйна?

1
Мордехай В. / Адказаць
27.07.2017 / 00:08
Хорошая морковка - подпишешь и расследование притормозится. Все же разделение властей - великое завоевание взбунтовавшихся рабовладельцев.
2
LMI / Адказаць
27.07.2017 / 07:46
Ну па-першае гэта толькі праект. Па-другое ў яго ня легкі шлях да падпісаньня - у ЗША падзел улады і дэмакратыя ў адрозьніньне ад Масковіі, ці напрыклад нас. Па-трэцяе - Эўропе нарешце трэба ўсе ж імкнуцца да меньшай залежнасьці ад расеі па углевадародаў, а то неяк няемка ўсе выглядае часам - шмат базару, а па сутнасьці нічога, бо усе забываецца і мізарнэе на фоне нафты і газа, і бізнеса ў абыход уласных санкцый, то бок - карупцыйных і крымінальных грошаў
3
а то! / Адказаць
27.07.2017 / 08:31
Хорошая морковка - подпишешь и расследование притормозится.

Не факт! Такое потрясающе единогласное голосование напоминает пленумы ЦК КПSS! И свидетельствует о том, что, как говорят неучи, консекс двух партий наконец-то достигнут! Убирать рыжего лохматого надо, сокращая поле для его недееспособности. Но убирать надо терапевтически, а не операбельно!  
 
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру