27.07.2017 / 18:40

У Невадзе знайшлі рыбу-драпежніка трыясавага перыяду 3

Амерыканскія і швейцарскія палеантолагі выявілі ў амерыканскім штаце Невада закамянеласці рыбы-супердрапежніка, якая жыла ў пачатку трыясавага перыяду, каля 252-247 мільёнаў гадоў таму. Даследаванне апублікаванае ў Journal of Paleontology.

У трыясавым перыядзе з'явіліся новыя віды касцяных рыб. У тым ліку пачала развівацца група рыб, да якой адносіцца больш за палову сучасных відаў. Аднак пра тое, як адбывалася аднаўленне і развіццё рыб у пачатку трыясавага перыяду, вядома дрэнна, бо да гэтага часу было знойдзена мала закамянеласцяў таго часу. Прадстаўнікі ж рыбы, якую знайшлі ў Невадзе, жылі ў акіянах на тэрыторыі сучасных Канады, ЗША, Шпіцбергена і арктычных абласцей Расіі ў сярэднім і верхнім трыясе.

Раней даследчыкі выявілі на тэрыторыі ЗША іншага драпежніка трыясавага перыяду. Ім аказаўся продак сучасных кракадзілаў, які жыў на сушы і перасоўваўся на задніх лапах.

0
Генэрал Голад / Адказаць
27.07.2017 / 20:46
А я ўжо падумаў... ) 
0
Васек / Адказаць
28.07.2017 / 06:08
Ну казау жа я вам ,казау!!!!.....
0
Алесь Астроўскі / Адказаць
29.07.2017 / 21:54
У Невадзе знойдзены Скамянеласьці касьцяВых рыб з трыясавага перыяду мезазойскай эры.
Каб пакінуць каментар, калі ласка, актывуйце JavaScript у наладах свайго браўзеру