27.07.2017 / 17:42

Дзяўчыну ў Пакістане згвалтавалі з помсты па загадзе рады вёскі 16

Каля 20 мужчын у пакістанскім Мултане былі арыштаваныя за загад згвалціць дзяўчынку-падлетка ў адплату за згвалтаванне, якое нібыта ўчыніў яе брат, піша ВВС.

Паліцыя заявіла, што сем'і дзвюх дзяўчынак звязаныя паміж сабой і прымалі сумеснае рашэнне аб тым, што рабіць.

«Джынга [вясковы савет] распарадзіўся згвалціць 16-гадовую дзяўчынку ў якасці пакарання, бо яе брат згвалціў 12-гадовую», — сказаў паліцэйскі чыноўнік Алах Бакш.

Ён распавёў, што ў пачатку ліпеня ў вясковы савет звярнуўся чалавек, які заявіў, што яго 12-гадовая сястра была згвалтаваная стрыечным братам. Савет, выслухаўшы скаргу, загадаў заяўніку згвалціць сястру абвінавачанага ў адказ — што, як сцвярджаюць у паліцыі, ён і ўчыніў.

Пакістанская газета Dawn напісала, што дзяўчына была вымушаная паўстаць перад групай і была згвалтаваная на іх вачах і ў прысутнасці ўласных бацькоў.

Маці дзвюх дзяўчынак пазней падалі скаргі ў мясцовы паліцэйскі ўчастак. У абодвух выпадках медыцынскія агляды пацвердзілі факт згвалтавання.

Іншы паліцэйскі, Ахса Юнас, сказаў, што першай згвалтаванай дзяўчынцы было 12-14 гадоў, а ахвяры згвалтавання ў адказ — 16 або 17 гадоў.

Ён сказаў, што паліцыя зарэгістравала скаргу супраць 25 чалавек, і што падазраваны, абвінавачваны ў згвалтаванні 12-гадовага дзіцяці, усё яшчэ на свабодзе.

Хоць у некаторых паведамленнях гаворыцца, што згвалтаванне загадала здзейсніць джырга (вясковы савет), крыніцы ВВС паведамілі, што гэтая група фактычна была сабраная прадстаўнікамі дзвюх сем'яў.

Джырга — савет, утвораны з мясцовых старэйшын — часта вырашае спрэчкі ў вёсках Пакістана. Але гэтыя парады лічацца незаконнымі і былі асуджаныя за шэраг спрэчных рашэнняў, у тым ліку за загады аб згвалтаваннях з помсты, а таксама пра так званыя «забойствы гонару».

Мухтара Май, фота ВВС

У 2002 годзе джырга загадала згвалціць 28-гадовую Мухтару Май, чый 12-гадовы брат быў абвінавачаны ў рамане са старэйшай жанчынай.

Май прывяла сваіх гвалтаўнікоў у суд — акт надзвычайнай мужнасці ў Пакістане, дзе ахвяры сэксуальнага гвалту па-ранейшаму становяцца ізгоямі.

Калі іх прыгаворы былі адмененыя Вярхоўным судом Пакістана, ёй прапанавалі бегчы з краіны. Аднак яна палічыла за лепшае застацца ў сваёй вёсцы і адкрыла школу для дзяўчат і прытулак для жанчын, якія сталі ахвярамі згвалтаванняў.

Май стала вядомай праваабаронцай, а яе гісторыя легла ў аснову оперы «Thumbprint», пастаўленай у Нью-Ёрку ў 2014 годзе.

nn.by

3
le mantar / Адказаць
27.07.2017 / 17:50
У каменты запрашаюцца аматары уцекачоў, леваабаронцы і прыхільнікі мультыкультуралізму з песнямі "яны такія ж, як мы", "усе яны людзі", "трэба ставіцца іх да традыцый з разуменнем" і іншым папулярным рэпертуарам. 
0
' / Адказаць
27.07.2017 / 18:01
В обществе людей иногда лучше не жить вообще
4
Русафоб непамяркоуны , Змагар, Свядомы, Пан, Беларус-ту / Адказаць
27.07.2017 / 18:03
Як казау мой знаемы з камедыі «Дванаццаць стулау»: «Дзікунскае племя - дзеці гор»
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру